• 瀏覽: 3,805
  • 回覆: 30
[隱藏]
首先 , 影片講左唔少貿易戰既背景(包括表象同真象) ,
並以貿易逆差  美元秩序  高端生產三方面去解釋 , 貿易戰既真實內容 ...

一開始佢就講 , 睇所謂既貿易逆差 , 其實要睇埋產業資本  金融資本 ,
產業資本就係實體資產 , 如機械  廠場 , 係70年代之前 ,
其實各國係唔係太比生產外移 ... 但自從70年代開放左之後 ,
基於成本問題 , 大量工業生產就由先進國家 , 遷移往發展中國家進行 ,
好似中國咁 , 就形成對美國既貿易順差 ... 事實上係咁既背景下 ,
美國其實必然對好多發展中國家 , 有貿易逆差問題

而金融資本 , 就即係錢 ... 相對產業資本既不容易轉移 ,
金融資本可以話無時間同空間既限制 ; 事實上 , 金融資本說明左貿易逆差
其實只係個表象 ... 就好似美國企業係中國設廠 , 貨品賣回美國 ,
明面上係中國貿易順差 , 但實際上係美國企業賺錢 ;
同樣道理 , 日本  韓國企業貨品賣去美國 , 但企業佔股大半都係美國資金
賺錢既其實都係美國資本

當然 , 產業外移形成明面上既貿易逆差 , 係美國都唔係無惡性影響 ,
最明顯就係失去代表中層收入既工業人口 , 美國呈精英化  打雜化兩極發展
去工業化之下 , 大半人口社會地位必然向下流動 ...
而特朗普其實係呢種 , 大半人口不滿現況下勝既 , 所以佢必然要工業回流
但有無可能打破經濟規律呢???
而係佢之前 , 就要利用社福制度維持社會基本平穩 , 避免墮入社會運動之中
而用係社福制度既金錢 , 就同世界美金秩序有關 ...

美金當初成為世界貨幣 , 係因為佢地同黃金掛勾 , 但問題係如果其他國家 ,
透過貿易賺取美元做儲備 , 因為同黃金掛勾 , 美元又唔可以亂印既話 ,
就會變成美國國內美元越來越少 ... 70年美國宣佈同黃金脫勾 ,
美元變成純粹以國家信用支撐既國際貨幣 ,
同時 , 美國亦容許其他國家對美國形成順差 , 以維持其外匯儲備 ...
所以美國貿易逆差 , 其實就係佢世界金融戰略既一部份

(美國利用美元結算之便 , 簡接控制全球銀行既方法 , 就有少少複雜 ...
我基本都明白 , 但要少少時間消化下 , 之後先再用簡單文字 , 同大家分享)

回到之前講到 , 美國係用福利制度 , 去維持社會基本運作 ,
但錢又從而來???
答案再簡單不過 , 就係印出黎 ... 透過量化寬鬆 , 美國政府平白多左好多錢
而咁事實上 , 就即係各國從貿易中賺返來既美金在貶值 , 亦因為咁 ,
近年有唔少國家 , 企圖建立美元以外既結算貨幣 , 但今次唔作詳細討論 ...

最後係高端製造業 , 其實係無論中美  日美貿易戰中 , 明面既主戰場 ...
係日美貿易戰既80年代末期 , 時代雜誌等刊物 , 就不停吹捧日本經濟 ,
其實係打響 "日本威脅論" , 美國指責美日貿易逆差  不公平貿易  匯率操控 ,
基本話術同如今基本一致 , 最後簽訂廣場協議 ...
之後日元升值 , 日本經濟衰退 , 事實上今日既日本勞動生產率 ,
係先進國家中排名倒數 , 亦即係話日本自此 , 由產業資本轉向金融資本發展

[ 本帖最後由 財閥政治 於 2020-9-8 02:55 PM 編輯 ]



熱賣及精選
多謝分享,請繼續努力分享多些🙏🙏


引用:
原帖由 瑪卡 於 2020-8-26 10:24 AM 發表

多謝分享,請繼續努力分享多些🙏🙏
講真,其實香港就係資本金融化,去工業化,人口兩極化既最大例子之一。。。
口臭咁講,呢兩黑暴問題既最大原因,都係呢度!



引用:
原帖由 財閥政治 於 2020-8-26 12:10 PM 發表


講真,其實香港就係資本金融化,去工業化,人口兩極化既最大例子之一。。。
口臭咁講,呢兩黑暴問題既最大原因,都係呢度!
K形表現🤔🤔



回覆 引用 TOP

[隱藏]
引用:
原帖由 瑪卡 於 2020-8-26 10:24 AM 發表

多謝分享,請繼續努力分享多些🙏🙏
瑪兄咁支持 , 我唸我會將之前我係史區既部份文搬過來 ,
到時希望瑪兄多多支持 !!!



引用:
原帖由 財閥政治 於 2020-8-26 02:41 PM 發表


瑪兄咁支持 , 我唸我會將之前我係史區既部份文搬過來 ,
到時希望瑪兄多多支持 !!!
正好疫情無街去 可以多多學習🙏🙏



引用:
原帖由 瑪卡 於 2020-8-26 03:34 PM 發表



正好疫情無街去 可以多多學習🙏🙏
多謝支持先 , 不過之後果D有稍稍有立場性 ...
當然, 基本係以事實為基礎論述 , 大概一周一兩篇吧



回覆 引用 TOP

各位大大 , 都對貿易戰議題無興趣咩???


引用:
原帖由 財閥政治 於 2020-8-26 08:23 AM 發表

首先 , 影片講左唔少貿易戰既背景(包括表象同真象) ,
並以貿易逆差  美元秩序  高端生產三方面去解釋 , 貿易戰既真實內容 ...

一開始佢就講 , 睇所謂既貿易逆差 , 其實要睇埋產業資本  金融資本 ,
產業資本就係實體資產 , 如機械  廠場 , 係70年代之前 ,
其實各國係唔係太比生產外移 ... 但自從70年代開放左之後 ,
基於成本問題 , 大量工業生產就由先進國 ...
樓主既撮要簡潔易明, 唔錯!!



[隱藏]
引用:
原帖由 財閥政治 於 2020-8-26 07:42 PM 發表

各位大大 , 都對貿易戰議題無興趣咩???
有興趣,支持出文



引用:
原帖由 財閥政治 於 2020-8-26 12:10 PM 發表


講真,其實香港就係資本金融化,去工業化,人口兩極化既最大例子之一。。。
口臭咁講,呢兩黑暴問題既最大原因,都係呢度!
中央要打做一個大灣區,本來就想香港中層份子可以喺24小時生活區內發展,工作。但,卻被污名化。



引用:
原帖由 ntworks 於 2020-8-27 07:38 AM 發表



中央要打做一個大灣區,本來就想香港中層份子可以喺24小時生活區內發展,工作。但,卻被污名化。
其實我覺得係架 ...

之前話大陸人落黎買野 , 搶貴晒D貨 , 好勒政府話起羅湖購物城 ,
將大陸人市場同本土市場隔開 , D白痴又話咁叫割地 ;
之前你地話樓價太貴 , 政府於是搵地起樓 ... 結果搵D棕地果陣呢
你地又係點解唔收圍頭地先 , 唔公平 ...
大佬 , 你地係咪急住要樓架??? 係既係咪應該收左D容易收既先???

所以有時我自己都好叉唔明 ...
如果要解釋 , 或者只可以話香港去中產化  人口下流化左太耐 ,
有種對政府先天既不滿 , 加上政客挑撥就變成咁 ...
或者咁講 , 好多人會不滿 , 但事實 ... 當 "大眾" 成為左話語權 ,
佢地好難為具體既野詳細討論 , 佢地只有情緒發洩 ,
只有口號 ...



回覆 引用 TOP

引用:
原帖由 kakakawai 於 2020-8-27 01:34 AM 發表


有興趣,支持出文
多謝支持 ... 不過好似無咩回應
我唸知性既資料 , 可能大家都係唔鐘意睇架拉 ...



日本係用經濟換左「海外出兵」。


[隱藏]
引用:
原帖由 冬眠小水管 於 2020-8-27 01:31 PM 發表

日本係用經濟換左「海外出兵」。
你意思係國防安全???
問題係90年之前 , 日本同周邊各國關係都好好下 ...

我反而覺得 , 日本近十幾年既所謂 "民族意識" 恢復
係搞唔好經濟上既轉移視線 ...
如果經濟好 , 真係傻仔先會用經濟換 "馬前卒" 身份



提示:支持鍵盤翻頁左 右
[按此隱藏 Google 建議的相符內容]