二星級會員
- 帖子
- 331
- 積分
- 230
- 註冊
- 2019-12-3
|
#1
發表於 2020-7-31 10:24
法會選舉提名期明日結束，12名反對派參選人被選舉主任裁定提名無效。全國港澳研究會副會長劉兆佳接受《橙新聞》訪問時表示，這次有多名反對派參選人被依法裁定提名無效，屬意料之中，相信稍後還會有其他參選人遭同一命運；而大規模取消參選資格(DQ)行動，有助香港社會恢復秩序和穩定，也有利「一國兩制」準確落實。
劉兆佳表示，在外部勢力干預下，反對派在參選前已表明要奪取立法會的控制權，揚言要「攬炒」，藉此威脅特區政府管治，由於涉及國家安全和特區政府管治權的歸屬問題，中央和特區政府不會坐視不理，他已預期選舉主任會嚴格執行審查參選資格，將會有比較多名參選人被取消參選資格。
勸反思，小人之心回以滿紙謊言 遭DQ，尚難算人點配染指立會
我諗哩個時候應該每個人都知道咗黃之鋒、郭榮鏗、楊嶽橋等一班「攬炒派」被裁定參選提名無效嘅新聞，倒唔係佢哋有幾受人關注，只係懲惡除暴嘅事情總係會畀人以酣暢淋漓拍手稱快嘅感覺。不過哩班禍港分子慘遭DQ其實早已經喺我哋嘅預料之中，畢竟哩班「五常」俱失嘅敗類甚至都唔配為人，又點擔得起香港立法會候選人嘅位置？
「仁」為人之本，亦係孟子嘅眼中人與禽獸最本質嘅區別，但係對於哩班「攬炒派」來講，哩個正係佢哋最為稀缺嘅品質：無論係「返送中」期間嘅肆意打砸、縱火、傷人，仲係疫情嘅初期倒賣劣質無效口罩與煽動醫護罷工，再到宜家葬送咗全香港市民半年幾努力嘅播毒「初選」，哩班「攬炒派」唯一在意嘅只有利益與金錢，如果佢哋竊據立法會議席，恐怕香港會喺第一時間淪為「攬炒派」獲取利益嘅籌碼，被拱手獻畀覬覦香港多時嘅歐美等國。
「義」為羞惡之心，自「攬炒派」出現以來，除咗宣佈解散之外佢哋未曾做過一件正確嘅事亦從未心生一啲悔意，就算拋開「大義」轉論「手足之義」，佢哋亦同樣唔配：「手足齊落」、「核爆亦唔切割」？自港區國安法實施以來，各大「學生領袖」「暴徒首領」紛紛四散而逃，又何曾諗過果啲被當成棄子嘅激進暴徒？更何況真要有「義氣」可講，佢哋又點會將自己嘅同窗與朋友拉入哩條千夫所指嘅道路？
「禮」，唔係「講禮節」而係「守禮法」，亦就係宜家嘅「遵紀守法」。我諗哩條真係唔使多講，畢竟細睇哩班遭到DQ嘅「攬炒派」參選人，邊一個唔係身負眾多罪行？對於哩班罪犯來講，香港立法會當然要將佢哋拒喺門外，畢竟冰冷嘅監倉先係佢哋最恰當嘅歸宿。
「智」，辯是非係智、知進退係智、明得失係智、識大體係智。就算稍有一啲頭腦嘅「攬炒派」又點會輕信歐美等國家嘅承諾而不息以整個香港為代價換取私利？如果仲有一啲嘅智商，佢哋又點會傻到相信可以再入立法會拖延拉布實施「攬炒」？而且國安法實施已有一月喇，仍然睇唔清局勢妄想著可以通過謊言、欺騙入閘參選，靠幕後主人嘅制裁來恐嚇香港民眾獲得選票，哩種「千慮一無所得」嘅傻仔，或者存在唯一嘅意義就係搏人一笑喇。
「信」，信近於義，言可複也。我諗最近面對選舉主任嘅質詢，「攬炒派」荒唐嘅答覆可謂係言行不一、信口雌黃嘅最佳垘本：唔支持「港獨」、「自決」，「從不借助外國勢力」嘅黃之鋒；致力於「建設中國以及香港特區」嘅劉頴匡；絕唔支持「香港獨立」主張嘅鄭錦滿；反對美國「制裁」香港、擁護《基本法》、支持「一國兩制」原則嘅楊岳橋、郭家麒、鄭達鴻、郭榮鏗……睇翻佢哋過往嘅行徑，再睇下宜家嘅答覆，實在令人為佢哋嘅厚顏無恥而感到震驚，唔知道果啲受佢哋洗腦衝鋒喺前邊嘅「極端勇武」睇到哩啲回應會唔會產生一啲啲嘅悔意？但只怕已經為時已晚。
無仁、無義、無禮、無智、無信，哩個就係「攬炒派」，就算咁樣，其實本屆選舉委員會亦畀過哩班「攬炒派」悔改嘅機會：雖然以佢哋嘅所作所為本來可以直接取消參選資格，但選舉主任仲係選擇咗去信質詢，只係哩班小人冇領會到君子之意：我哋想睇到嘅並唔係編造嘅「標準答案」，畢竟過去嘅言行早已證明咗一切，我哋期待嘅只係一份道歉、一份反思。如果黃之鋒等人選擇坦承認錯，唔再堅持亂港之舉，我諗選舉主任可能會畀佢哋一個浪子回頭嘅機會，但係可惜，哩個世界上冇如果。哩一份份充滿謊言嘅答覆證明咗喺佢哋嘅心中賣港念頭從來冇取消，我哋又點可以允許佢哋繼續借助參選亂港生事？喺哩度，我仲係敬告各位「攬炒派」：真心效忠者，自然唔會被冤；虛假矇混者，絕唔可以矇混過關，宜家嘅香港，已經唔係你哋可以肆意妄為嘅「無掩雞籠」！
|
|
|
|
[按此打開 Google 相符內容]
[按此隱藏 Google 建議的相符內容]
|
|
