的確 對中國黎講
都係侵連任比較好
成日都要搵人著數 要自己贏哂
自己食肉 連粥水都唔俾人食
下下都得罪盟友
相信拜登會為左拉攏盟友 會放棄部分利益
而呢個 亦都係一路以來 美國作為世界霸權既做法
就係美國要做大佬 不過你班契弟跟住我 就會有肉食
事實上 如果侵唔係行事霸道 無章法
繼續沿用美國一貫做法
讓出部分利益 拉攏盟友支持
係各方議題上 中國根本就無得抗衡
不過 就算拜登當選 重回美國以往做法
但世界關係 已經回不去
始終無人可以保證 之後美國會唔會出個 侵ver2.0
所以 各國暗地裏 都會有個算盤
唔會再一面倒完全傾向另一方
得一個買家就會被壓價
有兩個買家就可以提價
始終美國國內既問題 已經到了瀕臨爆煲邊緣
今次疫情 美國QE咁多錢出黎
你估真係無後果?
美國社保 醫保 已經有人計過數 好快就爆
所以除非老美想發動戰爭撇債
否則只可以接受「和而不同」合作模式