• 瀏覽: 2,985
  • 回覆: 6
  • 追帖: 2
[隱藏]
樓主太唔了解英國
呢個國家係超級大奸狗
侵侵有難,呢個時候點都要裝模作樣支持
俾五年時間慢慢拆,駛唔駛咁耐?
用時間換取空間,等美國大選後再講
翻開歷史
國共內戰,國民黨敗退台灣
中華人民共和國立國第二年
英國係歐美民主國家,唔理盟國意見,第一個走去中國講數建立外交關係
為咩野? 保護英國當年在中國的利益
侵侵冇腦為左連任咩Q野都做得出黎
約翰遜唔係傻,係外表扮標新立異,骨子裡都唔知幾奸
如果唔係點會一上台,就擺英女王上枱,呃女王簽字國會休會
等佢可以順利處理脫歐問題
只不過人算不如天算,俾人告上法院,法官判咁做違憲
第一招唔得,之後再賭更大,解散國會,重新改選
結果佢贏左


睇定啲先,如果中國出手好輕,只係表示一下態度
就知私下仲有古講



引用:
原帖由 伍皓昌 於 2020-7-16 05:02 PM 發表


如果為反制而反制, 我是不認同
首先英國禁制華為, 不論出於什麼原因, 英國要付出什麼成本及後果(例如令5G發展大落後), 要自行承擔
同樣中國或香港, 是否要禁制英國企業, 首先考慮既, 不是因為"報復", 而係對中港有沒有利益需要.
對於英企, 如果因為歷史原因, 造成不合理的讓利, 或英企本身有越軌行為, 因此對其採取行動, 那我絕對贊成, 但如果單純做生意的英企, 去打擊它, 於 ...
中國唔會做殺敵一千自損八百的事
師兄舉台灣做例子
中國同台灣簽ECFA十年大限到期,要唔要繼簽?
好多人估計中國會藉此制裁台灣
一旦失去ECFA,台灣好多傳統產業會好慘,如石化,機械,農魚業...
但係以目前黎講,中國多少還是需要台灣高科技產業
所以中國直至今都好低調,官方並冇講必然會終止ECFA制裁台灣
親民進黨或民進黨人係大陸投資,至今完全冇受到刁難
甚至蔡英文家族關係企業海霸王係大陸生意做好大,有個超大物流中心
有自己火車運輸
理論上,中國政府應該整肅一下教訓蔡英文
事實上,並沒有
今時今日共產黨並不會逞匹夫之勇或一時之快報復
呢次一下落實香港國安法,應該早就沙盤推演過,各種最壞狀況出現
華為係英國有幾個大研發中心
本來英國批准起多一個,明年會落成
照咁睇,如果英國要玩真
華為咪徹資將所有野搬走去其他國家
此地不留人自有留人處理
到時睇下邊個損失大

至於樓主建議的項目不可能去做
尤其是中國強調不容許其他國家干預中國內政
中國又點會去干涉英國內政



回覆 引用 TOP

引用:
原帖由 starr 於 2020-7-17 08:33 PM 發表


我地需要體諒英國佬嗎??
知己知彼
你的確唔需要
不過,中國堂堂一個大國,自會有全盤考量
你不必擔心

你係一樓舉出的項目
支持北愛果啲,就知你唔了解中國

建議你去睇已故外長錢其琛寫外交十記
佢同英國幾任外交部長打交道多年
英國佬玩咩野,中國唔會唔了解



引用:
原帖由 starr 於 2020-7-18 03:03 PM 發表



中國支持自由貿易,但美國先加關稅,中國加返關稅反擊好正常呀
人不犯我,我不犯人,冇理由自己綁起手腳黎打交
似乎你仲係唔明
你加我關稅,我反擊加返你關稅,呢個係合理回應
美國點名限制某些官員入鏡
中國同樣點名限制返佢地啲官員
但係冇需做出過激制裁
如限制英資或將佢地趕走
中國同美國關係如此惡劣
至今仍守承諾,第一階段中美貿易協議
據侵侵講,中國仍然遵守,照協議買農產品
所以我同你講,不必擔心
中國有自己策略,知道什麼能做,什麼不需做到過激
面對現在嚴峻考驗,並唔係講惡耍狠,要沈著應戰
國與國間最大抗議係招回大使,至今大家都仲好克制



[隱藏]
引用:
原帖由 starr 於 2020-7-18 03:35 PM 發表



英國搞香港,中國都可以搞蘇格蘭同北愛
不會也不能
中國歷來反對他國干預中國內政
中國為了報復做同樣的事,豈非自打嘴巴?
我可以百分百保證,中國絕對不會公開對蘇格蘭和北愛說什麼

現在國際形勢複雜,我們無從得知枱面上和抬面下的政治動作是否一致
大國關係,有時並非我們表面睇到咁簡單
好似當年九六年台海危機,後來大家至知,原因李登輝仲有密使穿梭兩岸
當年根本唔會真正打起黎
據講陳水扁上台後,密使條線斷左,而家仲有冇就唔知
同理,六四事件,美國時任總統老布殊派密使到北京
帶住親筆信同鄧小平解釋安撫中國
意思係表面講同私下做係兩回事
所以睇得多,多年來中國同西方國家打交道
如果中國出手反制越輕,就表示枱下有講惦數
中國配合演下龍鳳戲
中國好清楚,西方國家元首有選票壓力
有時你好我好,大家好,心照不宣

華為問題,而家睇個指標
華為會唔會係英國全面撤資,幾個研發中心全部搬走
就知道英國玩真定玩假



引用:
原帖由 starr 於 2020-7-18 04:31 PM 發表



似乎你仲係唔明
你加我關稅,我反擊加返你關稅,呢個係合理回應
你搞香港,我都可以搞蘇格蘭同北愛,呢個都係合理回應

但我從來冇講過一定要用e個選項,但肯定係option之一 ...
我最後講一次,唔再重複
中國自己有西藏,新疆,台灣問題
所以多年來強調國家大政策,不會干涉他國內政
即使英國要搞香港,中國絕唔會對蘇格蘭同北愛指手畫腳
百分百肯定連option都唔會有
只要中國一違反自己定原則,落人口實,其他國家會紛起搞埋其他地方
何況而家英國所謂搞香港,係俾香港人去英國
英國官方並冇公開鼓吹香港人爭取百分百自治或獨立
至於蘇格蘭,你唔駛擔心,呢個地方一向反對英國脫歐
只要期滿,佢地又會再搞公投,根本唔需要外力介入

師兄你要增加多一啲國際常識,同多了解一下共產黨
有時間去睇下外交十記,相信你會獲益良多
中國立國以來採取不結盟主義外交政策
理由係,中國不想結黨結派,保持中立
不加入以前共產國家蘇聯主導華沙組織
至有機會被美國拉攏去抗衡蘇聯,咁樣至會係國際上左右逢源
中國多年來奉行政策,沒有永遠朋友,也沒有永遠的敵人
今日翻臉,唔代表聽日唔能夠和好
睇下同日本,時對抗時和解
政治的大格局,玩過頭就收唔返,呢啲係大國博奕基本常識
唔結盟仲個好處,中國一直唔想做大老
就係唔想學美國,做大老要付大老道義責任
自然要出手干預下面啲靚發生紛爭
今日唔知聽日事
話唔定全世界都在等.....幾個月後美國大選結果
歐洲各國都在觀望
中國又點會咁笨,咁早就出重手

只不過今時今日,政治學專家都失算
勢估唔到美國會出左個自私自利總統
為左自己連任,會不擇手段,任何瘋狂行為,做左先算
假設而家總統係希拉里,希婆點霸道都會顧及國家長遠大策略
點都唔會一下玩到咁激
正如環球時報胡老編講,中國一早預左美國會對付中國,怕中國崛起影響到美國大老地位
完全估唔到會黎得咁快,同玩得咁盡
即係講,如果民主黨人做總統,或共和黨有個正常人做總統
俾多幾年時間中國做準備,呢場仗會更加好打



引用:
原帖由 starr 於 2020-7-18 08:22 PM 發表



唔好講到自己好勁咁,最少在我看來你唔係囉
你都應該睇下毛澤東既「打得一拳開,免得百拳來」
OK啦
我並不是一個好鬥的人,我完全唔勁
呢個爭論就此打住
意見不同好正常
之前言語上有冒犯,請多多包涵
理性討論,總好過搬龍門



[按此隱藏 Google 建議的相符內容]