小弟好少留言，身處一個深黃行業，覺得留咗言發洩又點，第日又要回歸「精神病院」....暫時我對國安法都係觀望，唔拉到第一個都唔放心。
這一年，真係只有呢度先係清泉，大家都面對不同嘅忍辱﹗辛苦哂大家﹗
不過我就灰灰哋，正所謂學好三年，學壞三日，班漢奸走狗捉咗又點，黑暴嘍囉收手又點，人嘅心都已經黑咗，黑咗嘅心好難先變返白，破壞咗嘅關係因為呢件事好難再收復。雖然如此，呢班人，伏法N次都便宜咗佢哋....
真心希望部門搞搞某啲討論區，嗰度唔止係罪惡温床，而且係負能量的根源，十幾年來不斷毒害青少年，現今三十幾四十歲好多都睇嗰啲討論區大嘅，社工、教師、傳媒好多都係呢啲討論區嘅信徒，現在十幾廿歲嘅有乜法子唔中招。
我都嫌政府之前做嘢遲鈍同離地。污名化？十幾前來不斷都係咁，道德L、環保L...只要正面少少嘅，加個L字就醜化咗，幾容易，又有效。想勤力？話你奴性吖﹗太太太多例子....再加一個永遠「邪惡」的對象，令自己變得正義，永遠成為一個取笑的對象，自己就變得叻叻﹗
網絡，成為呢班人最後嘅藏身之所，真心希望國家同港府搞搞佢﹗
