今日又係時候介紹下蘇主席做嘅好事喇!話說曉麗苑以往選舉(當然仲係舊管理公司果陣),關於候選人宣傳嘅事,就會出問卷有幾種可做嘅事選項俾大家剔,一向結果都係唔俾上樓同唔俾入屋苑宣傳但至少都俾每座貼下海報。
但舊年區選就連海報都唔俾貼,有街坊早喺選舉前兩個月就已經寫信俾法團同管理處問點解今年仲未就做問卷?當然以蘇主席嘅作風梗係唔理唔覆啦!之後聲音越嚟越大佢就話屋苑居民反映咗今年都反對做宣傳。大家就問,問卷幾時做過?去咗邊?
真相終於大白喇,原來有人填咗平時屋苑管理事務嘅意見咭話反對!有幾多人寫過?24個!一個有5千戶嘅屋苑有24人填咗而法團就咁決定咗連海報都唔俾貼(當然500戶有法律效力嘅聯署叫蘇主席開業主大會佢就繼續犯法唔理啦!)咁大家又會問做乜你又唔填?原來管理處同法團一直都無出通告叫大家就區選宣傳提交意見。大家仲傻痴痴咁等慣例做嘅問卷!至於邊24個咁醒知道要填意見咭?哈哈哈哈!可以問下蘇主席係邊個喇!
有人怕輸就無所不用其極,以為無人識佢對手就自己會贏。但係,奸有奸輸,最終咪又輸足一條街... 街坊就係睇唔過眼有人處事咁唔公正。你話呢D人點可以唔踢佢落台丫?