copied from fb
專業清算師
Like Page
17 hrs ·
首先感謝 民間記者會發佈中心 手足安排今晚記者會,大力踢爆醫管局管理層的無能,毫不理會前線的生死,只顧保障自己權位,我們定必出手追擊!!
=== 以下為我師就民間記者會所準備的內容 ===
我哋係由一班社會各界精英所組成嘅團隊<專業清算師> ,致力監察政府權貴,先後追擊新界僭建、套丁行為,以至近日踢爆CSi口罩被濫用,亦令一眾保皇黨想透過口罩換選票嘅如意算盤被打破!
我地團隊一開始先公開由醫管局內部所提供採購口罩嘅"搶購價”,一盒50個有astm level 1認證嘅口罩只係用$9.16既合約價去搶購,相信而家係全世界都無可能有機構用呢個價錢搶到額外口罩返嚟。
我地團隊要公開採購價嘅原因係:醫管局一直宣稱有三個月量防護裝備,直至醫護5天大罷工後回收已分派各部門喺裝備存貨,並終於承認防護裝備存量僅餘1個月。
面對採購困難,庫存不足,局方對醫護使用裝備施加各式限制、降低防護規格。令隱形患者不斷進出的醫院內,肺炎爆發既風險不斷飊升,8A病房重臨之夢魘揮之不去。醫管局內部員工都好焦急,好希望盡快成功補足充裕防護裝備俾前線。但一眾高層就官僚嘆慢板,玩弄語言藝術,企圖將醫護人員打造成貪得無厭之輩,而非解決問題,故唯有向我哋團隊不斷報料求助。
我哋希望記者藉住而家所提供嘅報價資料,追問醫管局採購口罩同其他個人防護裝備(ppe)情況,唔好再用語言偽術嚟自欺欺人,用“已經額外採購”嚟做掩飾,而係應該向外公佈ppe確實到倉日子及貨量,穩定前線乃至全港市民軍心,一齊做好抗疫。
今次同民間記者會合作舉辦<香港公立醫院防疫配合調查>,藉住呢個機會想在場記者可以繼續跟蹤報導以下6項同防疫相關嘅問題,有需要時可以聯絡民記代表或網上留言俾我地。
(1) 醫管局係12月嘅時候,係無因應例年流感季節及武漢情況加大採購,直接導致而家ppe嚴重不足,有無人需要為此負責?局方既定程序到底係乜?
(2) 醫管局而家採購各項PPE嘅價錢會唔會已經作出調整?例如,口罩仲會唔會係用$9.16去訂? 進取手法除咗等熱心市民捐,仲有乜?
(3) 醫管局近日不斷降低前線防護安全風險標準。萬一前線受感染將會重演SARS悲劇,隨時整個病房以至整間醫院都需要被封鎖隔離、大批醫護生命受威脅。高層係咪已經做好準備承擔?
(4) 醫管局近日將普通病房,臨時以監察病房之名接收疑似肺炎病患個案,會唔會擔心係無負壓通風 同埋 無空氣過濾設施嘅情況下,會令前線醫護 同 病人交叉感染?
(5) 衛生署對早前有病人隱瞞自己嘅旅遊史,點解到而家都仲未作出起訴? 另外而家係家居隔離個案、隔離營選址都係冇通知地區人士及區議員,點解可以完全將市民拒之門外?
(6) 衞生署比醫護的防護裝備指引點解會鬆過警務人員?
最後,我地強調以上6項要點,僅為目前醫療體系困境。但本港疫情發酵至如斯地步,自港共政權堅拒全面封關責無旁貸。政府無守護(govern )市民,是為失職。我哋對於醫管局以至政府各項失職嘅地方,定必清算到底!
專業清算,捍衛我城
光復香港,時代革命
專業清算師