自冠狀肺炎疫症發生後,口罩、消毒用品被搶購,之後廁紙、面紙巾、甚至女人M都被搶購,之後米都被搶購,之後蔬果、肉類都被搶購,之後罐頭、即食麵、杯麵、米粉、排粉、米線條.......等都被搶購.........
近三星期,百佳、惠康嘅廁紙、面紙巾、女人M巾架基本上長空,一有貨到,即使限買,亦幾分鐘內瞬即冇哂
近三星期,百佳、惠康嘅罐頭、即食麵、杯麵、米粉、排粉、米線條.......等嘅架,曾有10日左右係空哂或所剩無幾,近幾日先至仲有啲剩
以上所述多項貨品,出奇地近3個星期都返貨少咗,所以造成一有貨返,就馬上被瘋狂搶購哂
而以上所述嘅所有貨品,近3個星期直至上星期六之前,喺百佳、惠康多番售價一日貴過一日
但同樣係超級市場,華潤/U購甴過年前都而家,所有貨品幾乎都冇加過價
喺上星期一至五,多款相同牌子、相同款式嘅廁紙,百佳、惠康貴過華潤/U購約15至20%
喺上星期一至五,397克裝天壇牌火腿豬肉,百佳、惠康幾乎日日都脹價,百佳試過上星期一售價25.9蚊,但一日後到上星期二特價都變成售價29.9蚊,一日內脹價20%
但華潤/U購上星期成個星期,397克裝天壇牌火腿豬肉都係售價23.9蚊
上星期百佳、惠康嘅合味道杯麵標準裝,由上星期初售價16.9蚊兩個,到上星期中加至18.9蚊兩個,而且已經係特價
但上星期一至四,華潤/U購一直嘅售價都係合味道杯麵標準裝賣19.2蚊3個,到上星期五先至轉為13.5蚊兩個
今日百佳、惠康嘅合味道杯麵回落番至16.9蚊兩個
其他罐頭、冰鮮肉類、醃好嘅冰鮮肉類,近呢3個星期都係百佳、惠康售價貴過華潤/U購15至25%
相同牌子、相同款式嘅貨品,近呢3個星期百佳、惠康平均脹價15至25%,但華潤/U購近呢3個星期嘅售價大致同疫情前一樣
咁即係百佳、惠康趁火打劫啦
最明顯係金御膳米,係百佳自己嘅品牌,完全冇經過其他批發商,已經減除批發商中間利潤,
而且仲係由泰國栽種、收割、包裝、運送、到運到百佳銷售,全程都係百佳管理,而泰國並冇因武漢肺炎而影響過任泰國任何生產運作,呢3個星期泰國一切操作基本正常
但百佳自己品牌金御膳米,呢3個星期出奇地百佳少咗返貨,以至造成百佳嘅金御膳米一有貨返到,即刻被瘋狂搶購,甚至一再有市民因搶購百佳嘅金御膳米而爭執以至打交
而且百佳嘅金御膳米呢3個星期仲不斷加價,到上星期尾,百佳嘅金御膳米比過年前貴咗30%之多
百佳嘅金御膳米,係明顯百佳自己製造冇貨假象,再自己抬高30%米債趁火打劫嘅例子
華潤/U購一向都比百佳、惠康平少少
不過自疫症後,華潤/U購再比百佳、惠康平多好多
因為疫症後,百佳、惠康嘅食品同必需品不斷加價,仲經常每日都加價
但華潤/U購自疫症後,所有貨品包括食品同必需品,大致都冇加過價
華潤/U購嘅貨品同百佳、惠康嘅貨品一樣,而且都係來自相同嘅批發商
只係百佳、惠康呢3個星期不斷將貨品加價,而華潤/U購呢3個星期所有貨品都大致冇加過價
[ 本帖最後由 天外有天s 於 2020-2-19 03:39 PM 編輯 ]