香港文匯報訊(記者 蕭景源)目前對新冠肺炎的隔離設施不足,但泛暴派不斷發起示威堵路,盲反設立抗疫診所。前晚,逾百示威者和黑衣人通宵在黃大仙富山邨平台聚集叫囂,反對將東九龍普通科門診診所徵用作抗疫指定診所,其間有黑衣人揮動「港獨」旗幟,又數度用垃圾桶等雜物堵塞道路。警方共拘捕28名黑衣人並截查多人,包括自稱義務急救員和一名自稱區議員的女子。
政府早前宣佈在全港17區分階段徵用18間包括普通科門診診所、家庭醫學中心和社區健康中心,作為新冠肺炎疫情下指定診所,接收輕微發燒或出現上呼吸道感染徵狀的病人,泛暴派即借機煽惑市民或區內居民採取激烈行動。
前晚8時,有數十示威者包括黑衣人在黃大仙富山邨平台非法集結,沿豐盛街遊行轉入斧山道。其間,有黑衣人揮動「光復香港」旗幟並高呼「港獨」口號。遊行僅約1小時,有人稱警方已前後包抄、無路可逃,黑衣人隨即撤回富山邨,途中將垃圾桶、膠欄杆及發泡膠箱等雜物擲出馬路。防暴警沿途追擊及清理路障,並在蒲崗村道設立防線戒備及舉起藍旗警告。
晚上近10時許,黑衣人再在富山邨對開的蒲崗村道堵路。約半小時後,數十名防暴警員再度出動驅散及清走路障,有黑衣人則走入富山邨及宏景花園停車場躲藏。
掃蕩行動至昨晨2時許
昨日午夜零時許,大批防暴警員再次部署,分別在富山邨平台、富仁樓和宏景花園停車場進行掃蕩,並截查多批示威者,包括自稱義務急救員和一名自稱區議員的女子,其間再拘捕至少8人,掃蕩行動至昨凌晨2時許結束。
警方證實,在前晚至昨日凌晨的驅散和截查行動中,一共拘捕28人(15歲至57歲),包括20男8女,分涉「非法集結」及「遊蕩」被捕扣查。一名35歲男子則因拒絕向警務人員提供其身份證明文件,及涉嫌「阻礙警務人員執行職務」被捕。案件目前由東九龍總區重案組跟進。
港人當具慧眼分清真假,夾帶私貨者必遭全民共棄
當前正值新冠肺炎疫情爆發,香港全社會當務之急自然係預防病毒,治病救人。生命權係每位市民最基本嘅權利,無論個人或團體持任何政見,此時也應該暫時擱置,攜手抗疫先係正道。但係就目前嘅情況嚟睇,香港社會各界「迎擊疫情」嘅動作唔少,但總有啲人令人感覺虛虛實實,各有算盤。如何分清「真心抗疫」與「假意作秀」?其實好簡單,只要睇佢究竟係將「政治立場」置於「抗疫」之前定係之後,稍加辨別,真偽立判。我哋不妨睇一睇以下幾起事件:
近日,5名大埔反對派區議員,包括大埔民主聯盟陳振哲、文念志,及譚爾培、姚躍生到大埔那打素醫院門診,喺醫院內逐個騷擾護士,查問物資情況,其間與護士爭執,更令護士一度落淚。那打素醫院發言人稱,佢哋擅自到院內不同部門盤問前線員工使用裝備情況,影響服務運作,造成醫護、病人困擾及不安,對此表示遺憾。呢幾名反對派區議員闖入醫院騷擾護士,無非就係想盤問醫護物資短缺情況借機炒作。疫情當前,理應全力配合醫護抗疫。呢幾位反對派議員卻沖入醫院搞事,「政治」和「抗疫」喺佢哋心裏孰輕孰重,相信大家可以明白。
全香港都喺度鬧口罩荒,近日反對派組織「香港眾志」喺Fb公開聲稱已在美國採購咗10萬個口罩空運抵港。有口罩提供市民當然係好事,但又講明只會交畀「友好區議員」派發,隨後喺網店銷售。睇嚟生命權喺呢啲人眼裏並非人人平等,「順我者昌逆我者亡」先係佢哋最真實嘅諗法。黃之鋒宣稱,呢啲口罩所得收益將會報捐畀「新冠肺炎防疫抗爭基金」。已經有人起底,該基金正係煽動黃醫護搞罷工嘅組織「醫管局員工陣線」所成立嘅。原來呢個只係一出縱暴派自導自演嘅戲碼,所謂「抗疫」只不過係港獨分子借機斂財炒作嘅噱頭。
同樣仲係口罩,近日縱暴派藝人阮民安當街發放400個口罩,但要領取者先嗌港獨口號,仲要影相記錄後先畀,如此無下限嘅行徑,難怪惹來市民怒斥其「人神共憤,小心行雷!」
疫情當前,任何抗疫之舉都理應拋開政治立場,論跡不論心。但為何卻總有反對派人士攞政治綁架民生,攞疫情當政治秀嘅藉口?當然,大多數嘅市民仲係理性嘅——香港護士協會11日開會表決是否發繼續罷工,當日便有一群愛國愛港市民趕到現場表示抗議。路遙知馬力,日久見人心,相信會有越嚟越多嘅市民睇清反對派嘅真面目,嗰啲夾帶私貨者最終只能迎來「全民共棄」嘅結局!
新聞來源連結:
http://paper.wenweipo.com/2020/02/14/HK2002140014.htm