前日（10日），5名泛暴派大埔區議員大鬧那打素醫院，逐一詢問護士個人防護用品數量，並與護士爭執，嚴重阻礙醫院正常運作，令護士不堪其擾惟有落淚，亦令病人不安，最終院方報警處理。這幾名擅闖醫院的泛暴派議員包括「新民主同盟」周炫瑋、「大埔民主聯盟」陳振哲、「區政聯盟」文念志、「西貢鄉民」譚爾培、獨立姚躍生。大埔警區刑事調查隊已接手調查，不排除會採取行動。
不少網民怒斥此舉離譜，完全係阻礙醫護抗疫。民建聯立法會議員葛珮帆就喺fb批評：「非常時期，工作繁忙，人手又緊張！仲去搞搞震阻住人哋做嘢！呢啲就係我哋所謂嘅區議員！？」連泛暴派自己友都睇唔過眼，「熱血公民」黃兆健發文指：「如果大家真心『撐醫護』，請唔好再喺打緊仗時打攪人哋。你想知前線醫護夠唔夠裝備，了解醫院狀況，勞煩用你人脈收風。」
港人當具慧眼分清真假，夾帶私貨者必遭全民共棄
當前正值新冠肺炎疫情爆發，香港全社會當務之急自然係預防病毒，治病救人。生命權係每位市民最基本嘅權利，無論個人或團體持任何政見，此時也應該暫時擱置，攜手抗疫先係正道。但係就目前嘅情況嚟睇，香港社會各界「迎擊疫情」嘅動作唔少，但總有啲人令人感覺虛虛實實，各有算盤。如何分清「真心抗疫」與「假意作秀」？其實好簡單，只要睇佢究竟係將「政治立場」置於「抗疫」之前定係之後，稍加辨別，真偽立判。我哋不妨睇一睇以下幾起事件：
近日，5名大埔反對派區議員，包括大埔民主聯盟陳振哲、文念志，及譚爾培、姚躍生到大埔那打素醫院門診，喺醫院內逐個騷擾護士，查問物資情況，其間與護士爭執，更令護士一度落淚。那打素醫院發言人稱，佢哋擅自到院內不同部門盤問前線員工使用裝備情況，影響服務運作，造成醫護、病人困擾及不安，對此表示遺憾。呢幾名反對派區議員闖入醫院騷擾護士，無非就係想盤問醫護物資短缺情況借機炒作。疫情當前，理應全力配合醫護抗疫。呢幾位反對派議員卻沖入醫院搞事，「政治」和「抗疫」喺佢哋心裏孰輕孰重，相信大家可以明白。全香港都喺度鬧口罩荒，近日反對派組織「香港眾志」喺Fb公開聲稱已在美國採購咗10萬個口罩空運抵港。有口罩提供市民當然係好事，但又講明只會交畀「友好區議員」派發，隨後喺網店銷售。睇嚟生命權喺呢啲人眼裏並非人人平等，「順我者昌逆我者亡」先係佢哋最真實嘅諗法。黃之鋒宣稱，呢啲口罩所得收益將會報捐畀「新冠肺炎防疫抗爭基金」。已經有人起底，該基金正係煽動黃醫護搞罷工嘅組織「醫管局員工陣線」所成立嘅。原來呢個只係一出縱暴派自導自演嘅戲碼，所謂「抗疫」只不過係港獨分子借機斂財炒作嘅噱頭。
同樣仲係口罩，近日縱暴派藝人阮民安當街發放400個口罩，但要領取者先嗌港獨口號，仲要影相記錄後先畀，如此無下限嘅行徑，難怪惹來市民怒斥其「人神共憤，小心行雷！」疫情當前，任何抗疫之舉都理應拋開政治立場，論跡不論心。但為何卻總有反對派人士攞政治綁架民生，攞疫情當政治秀嘅藉口？當然，大多數嘅市民仲係理性嘅——香港護士協會11日開會表決是否發繼續罷工，當日便有一群愛國愛港市民趕到現場表示抗議。路遙知馬力，日久見人心，相信會有越嚟越多嘅市民睇清反對派嘅真面目，嗰啲夾帶私貨者最終只能迎來「全民共棄」嘅結局！
[ 本帖最後由 哥普拉 於 2020-2-14 12:02 PM 編輯 ]
