[按此打開]
[隱藏]
對於"自主研發"呢個概念,網上一般分為兩大流派:一個係"設計派",比較着重整體設計相對於由古到今其他同類產品嘅原創性;另一個係"國產派",比較着重研發生產過程同所使用零件嘅國產化比率。
一般前者支持海光輝,而後者就支持飛鯊,但係我認為就結果黎講,海光輝同飛鯊之間其實都係五十步笑百步:海光輝嘅整體設計喺世界上算係獨一無二,而且知識產權重係印度獨有,但係全身上下所有零件都係"萬國造",就連氣動設計都係打包比法國達索去做,基本上只有設計要求同飛行員本身真係國產🙈;飛鯊無論係研發定生產過程都係由中航沈飛一力承擔,保證全身上下除左俄製發動機之外所有部件都係國產,但係同Su-33極度相似嘅外觀(源於同樣嘅原型機T-10K系列)實在令我地好難有自信同其他人講飛鯊係原創😓……
所以結論係,只有中國成功研發下一代艦載機,同時印度繼續努力提高國內嘅科研同生產水平,先有可能一次過滿足兩派嘅要求!
[ 本帖最後由 罪惡約翰 於 2020-1-17 07:39 AM 編輯 ]