講嚇呢排令一啲「港獨」最興奮嘅事，就係臺灣大選結果出爐，民進黨蔡英文高票獲得連任。甚至喺1月11日大選當日，喺蔡英文競選總部大門口，就有由香港過去臺灣嘅黑衣暴徒揮舞著「光複香港、時代革命」嘅旗幟興奮慶祝「勝利」，睇嚟「港獨」、「臺獨」無恥沆瀣一氣嘅同時，亦都印證咗香港反修例風波喺呢場大選中扮演咗好唔光彩嘅角色。
眾所周知，以蔡英文為首嘅民進黨當局一開始就係香港反修例風波嘅重要幕後黑手之一，蔡英文為咗贏取大選手段都好極端，為掩蓋四年施政毫無建樹嘅慘淡事實，佢將臺灣人民嘅焦點轉移到「大陸威脅論」度，利用香港問題大作文章，以香港所謂嘅「一國兩制徹底失敗」、「香港被極限打壓、毫無民主」呢啲論調持續炒作攻擊「一國兩制」政策，一面對「港獨」分子嘅亂港活動提供資金、裝備支持，甚至大開「綠燈」為黑衣暴徒嘅藏身提供方便；另一方面更加係無恥咁人為設置障礙阻止出獄嘅陳同佳去臺灣自首；蔡英文大食香港亂局嘅「人血饅頭」，為制造恐中氣氛大肆消費香港暴亂現狀，呢手「香港」牌亦令佢嘗到咗甜頭。
反中亂港嘅「港獨」分子，同大陸分庭抗衡嘅蔡英文及佢嘅民進黨一直係佢哋心中崇拜嘅對象，從「反送中」初期嘅「拜會取經」，到暴亂果陣嘅物質援助及隔空聲援，再到一幫打砸破壞無惡不作嘅黑衣暴徒全部早早預留後路竄逃臺灣，都可以睇出「港獨」分子將「臺獨」勢力當作係佢哋亂港活動嘅重要支持者及最佳「避難地」，佢哋知道對於蔡英文嚟講，混亂嘅香港符合民進黨當局嘅政治利益，所以「臺獨」利用「港獨」嚟強調佢「臺獨」嘅正當性，「港獨」就借「臺獨」嚟壯大實力及聲威，蠱惑更多市民效仿「臺獨」嘅做法，呢「兩獨」一拍而合，上演咗一出注定遺臭萬年嘅劇目。
宜家「臺獨」嘅大選勝利，一定程度上令「港獨」氣焰囂張，呢啲對已經持續超過半年都無停止嘅香港社會混亂局面毫無益處。廣大香港市民要保持頭腦清醒，要睇到「兩獨」沆瀣一氣、狼狽為奸互相利用嘅真相。臺灣島內呢次選舉結果，注定影響唔到兩岸最終走向統一嘅曆史大勢，「臺獨」勢力打「香港牌」、打「美國牌」贏到暫時嘅「勝利」，只會加速佢最終走向覆滅嘅進程。而對於「港獨」分子，短期選戰價值嘅「香港牌」以後就無咩價值喇，隨著香港局勢嘅逐漸穩定，已經係「強弩之末」嘅「港獨」分子就算點去搖尾乞憐都唔會有「臺獨」勢力嘅更多背書同施捨。
香港唔同臺灣，香港當下面臨嘅問題同臺灣都唔一樣，喺「一國兩制」嘅大框架內，「港獨」分子從法理、從道義上都唔會有生存嘅「空間」，靠幻想「臺獨」呢啲外部勢力支持，希望「抱團取暖」更加係唔實際嘅，「兩獨合流」只會係癡人說夢實而絕對冇出路。
