我朋友有幫開一個新當選嘅素人議員做義工。咁其實當選左之後真係好多野要跟進，真係仲忙過選舉個時。都明嘅，雖然無乜經驗，但都唔想辜負左市民嘅期望。
我地大勝之後民主黨就過黎拉攏我地班新人，又話教我地班區議會事務，表面上就講得咁好聽，但無乜實際行動幫我地，只係想令人覺得佢地係前輩，想我地睇佢頭。
有新同盟議員同我哋講頂唔順民主黨「大佬文化」，個個老屎忽不思進取先退出，叫我地小心啲，我地都無為意。後來聽其他素人原來民主黨想人盲撐佢做主席，杯葛鄉事派，自己就可以係北區玩晒，咁素人搵鄉事都係為民生議題，多個朋友好過多個敵人，但就比民主黨指指點點，唔比搵佢地。
對外就好好聽話「按年資」選主席，其實暗地𥚃強逼素人支持佢地。
其實主席個位大家都無乜所謂，如果民主黨咁多年黎做到野，就唔洗年輕人街頭抗爭，咁比民主黨做主席都無所謂，但係今次區選大勝都係靠年輕人用血汗換返黎，而家叫係有少少成果，民主黨就急住收割，咁多年一事無成仲用年資撻人。唉真係好失望，望住素人比民主黨利用又做唔到乜。
