真事轉載
尋晚同朋友傾偈,朋友講起有個客人做核數,最近同d同事上大陸客人寫字樓工作.
上到去遲遲都見唔到兩位同事出現,最後要返香港.
事後核數佬問其中一位手下;點解上唔到大陸,手下答佢,去到大陸關被扣查,d人跟住放條短片問,片中人係咪佢,之後再放另一條片...
原來手下曾經參加中環和你Lunch,當時肯定有矇面,但一樣被認出,原因係俾智能系統認出步姿....
我朋友話,美國其實已有應用緊相關系統,即使目標人物矇面,仍然可以靠步姿認出當時人,中國亦有自己發展既認人系統.
個關員用平和語氣,大概話,我哋國家唔容許參與非法活動者入境. (補充:中環和你Lunch,事前無不反對通知書)
事後,呢位被禁入境既手下就大鑊喇,因為d工作一手一腳由佢哋跟,佢哋先至最清楚,唔俾入大陸境,即係無得做,唯由有交俾自己個上司接手(佢上司真係多乜謝佢)...
公司無炒當時人,為咗解決呢件事,將條team拆開,上司要佢喺公司內部搵位轉職,隔嚟左右其他team,有空缺既都去問下喇,甚至乎叫佢調去新加坡分公司做...
講到呢度,當時人忽然醒起,新加坡未必承認佢個資格...
當時人份人工雖然係高,但兩公婆捱到金睛火眼,個仔喺外國留緊學,層樓亦都未供滿.
我朋友話,呢類大公司,每年都會重組,相信當時人最終會被裁,之後可能要自己匿埋開d公司仔幫人睇數,試問咁樣又可以搵到幾多錢? 同而家份人工差天共地,人生事業受到影響,"上流"被中止,變成要"下流".
我朋友以前做過工程司,係老一輩大學生,佢跑過大陸,佢認為呢場運動最癲既日子已經過咗,續漸會平息,而大陸開始會清算呢班人...
大陸佬當然唔會向一班無乜社會地位,又住緊公屋,走在前線既年青人埋手喇,佢哋會向一班中產,有學歷有地位既人出手,好似上面嗰位人兄,就係呢一類人.
呢場運動,呢班人其實好賤格,一係好似d校長咁袖手旁觀,一係就扮到若無其事,實際上,喺背後又出錢又出力,推呢班"靚仔"去死,自己喺背後坐享其成...
雖然香港局勢好似緩和咗,但係香港治安只會轉差,因為香港經濟內傷,會有好多人失業,d中產分分鐘都唔掂,而一班職業暴徒,之前搵開咁大嚿錢,而家無得撈,唯有繼續去搶....
👉🏻其實講咁多嘢,總括一句: 唔好參與不法活動,亦唔好去做犯法既事,你以為無俾人捉到就會無事,咁你就錯喇! 👈🏻
