勇武青年思考5個月抗爭：失去自己，無法放下 - 雅虎香港新聞 - 香港及世界新聞討論 - 香港討論區 Discuss.com.hk

‹上一主題下一主題›

288 12 3 4 5 ››... 20

新帖回覆

瀏覽: 22,088
回覆: 287
追帖: 1
分享: 9

+32

列印

chilawytk

VIP

帖子: 8637
積分: 6665
註冊: 2017-3-3

發短消息加為好友

[本港新聞評論] 勇武青年思考5個月抗爭：失去自己，無法放下 - 雅虎香港新聞

發表於 2019-11-22 12:49

這5個月，阿明的人生彷佛只餘下社運，「我好似失去咗自己，生活得番社運。我無咗社交、娛樂、學業、家庭，咩都無晒。」

周四凌晨，理工大學校園像個廢墟，僅餘的留守者散佈不同角落，有人默默看手機、看「哨站」通報警方的位置，想著逃生路線；有人藏在幽暗處抱頭大睡，但常被聲音吵醒；有人拿著一個錘，說要練習「流星拳」，雙手握實亦不夠力氣揮出；有人激動說著：「寧願同佢攬抄都唔會投降，咪玉石俱焚囉。」在旁的蒙面黑衣青年阿明（化名），叫眼前的人冷靜。
「喂，有冇煙呀？」這是19歲的中四生阿明，在理大留守的第8天。由於僅剩數十人，他說糧食衣物算足夠，惟沒有煙和藥物。
阿明是前線勇武抗爭者，聲言「擋、打、盾兵、掟磚、突擊」都會做。他曾經因身體問題，有數年無法上學。過去5個月，他因為要上前線選擇退學。
11月18日周一晚，眼見多人離開校園，阿明整夜都是不甘心，同時又對「投降」數字感到十分驚奇。「嗰下係好不甘，我知道有人會投降，有一定嘅投降數字，但完全無諗過係600個咁多。我聽到之後呆咗，大佬，外邊開花幾日，被捕人數都唔及一次嘅投降數字呀。600喎，平時拉極咪100幾個，200個都好多啦。但嗰日，一投投咗600個，總共拉成千人，個數字係好驚人。」
他沒有投降，認為這等同違背自己的信念、「對唔住自己」，「投降唔係我嘅選擇，一係走，一係留。我係寧死不屈，寧願死都唔會投降。」
但阿明明白每個人有自己的選擇，不會勉強其他人，而繼續留守的人需要互相扶持。「如果要認輸，好不甘呀。嗰班人走咗，雖然有唔開心，點解佢哋要揀呢一條路呢，其實對自己都有打擊，我應唔應該繼續守住呢個地方？但就算佢哋走咗，仲有一班留守嘅人，係需要有人留喺度維繫住，守護住大家。大家要保護大家，想走嘅就走，想打嘅就留低。」
他早有被捕的心理準備，但求抗爭至最後一刻。寧可冒險一搏，亦不要失去尊嚴。對投降或跟隨中學校長離開的示威者，他沒有感到被背叛，只覺得不甘心。「入得嚟，你要有心理準備同覺醒。你要有被捕嘅風險，有被人打嘅風險，你先出嚟，唔係因為驚，就走出去送頭。你咁樣送頭，你咩都無付出過，你又無拼搏過，點解唔可以試下走出去搏？好，原來你失敗，咁你個結果都係俾人拉。不甘嘅係，見到佢哋咁多個人走出去投降，都係被人拉架。舉晒手咁，我會覺得好無尊嚴。」
齊上齊落，是運動的堅實信念。今次理大一役，阿明明白很難做到，每個人都有自己的想法，要共同行動從來都是十分困難，這正是運動的真實面。
「齊上齊落係好難做到，一group人一定有唔同嘅意見。我自己有次親身經歷，理大C Core有條斜路，有30個手足嘗試喺嗰度走，但早前已經有人喺嗰度俾人捉咗。我勸咗10分鐘，都說服唔到佢哋。5分鐘之後，有人用大聲公講『尖東橋有30個人被捕。』我就係睇住嗰30個人出去，我勸唔到，嗰下好傷心。嗰下係仲難受過個1000人走，我自己睇住佢哋走，好似無能力救佢哋咁，我又係極力去阻止。好難過，見到佢哋咁樣揀。」
回歸起點，他心感「家是香港」，覺得作為香港人，要有守護這個地方的責任，這一份初心至今仍然沒有改變。「維護公義，見到不公平嘅事要出嚟發聲。香港係屋企，當你見到有問題嘅時候要出嚟發聲，要令佢（香港）慢慢變好，唔係俾佢墮落變差。呢個係我嘅初心。我唔理幾時煲底見，總之我見到不公平嘅事係要發聲。呢樣嘢係我一直以來揸緊嘅嘢，無變過。」
社會有人認為他們犯法，「我覺得自己一直做緊嘅嘢都係啱，我堅持住自己嘅信念。在社會上我係犯法，但我唔係犯罪。我從來無違反過自己堅守嘅信念。」說到這裹，他雙眼通紅，捶了捶胸口。
留守8天，無疑是一場心理戰。四面楚歌，校園如死城，阿明感到難受，當下最牽掛是昔日平靜的生活狀態。他形容，5個月前，自己無所事事就打機，認識新朋友，去飲酒。他期望回到以往的生活，但對香港的責任又捆綁著他，無法放下。「其實好難受，頂得好辛苦，我想回復平靜，但又唔可以停低。咁抗爭，無計，唔通停低唔做嘢咩。我性格係唔會俾自己停低，如果唔係會好內疚，會問有件咁嘅事點解我無幫手。」
最難過的，是阿明沒有傾訴的對象，亦沒有理解他的家人。他生於藍絲家庭，連父母亦痛斥他是「暴徒」。即使在前線受傷，家人亦不會問候。朋友被捕，回家後他忍不住哭，家人卻說「出得嚟就預咗啦」。他自覺天生天養，沒受太多的家庭教育。但面對親人的不支持，甚至奚落，難免感到孤獨難受。「藍絲家庭嘅仔女好辛苦架，佢覺得你做嘅嘢係錯，唔俾支持你。嗰份唔支持，令你好難受。佢哋會覺得政府做嘅嘢都係啱，你哋唔搞事，點解要派警察出嚟；你哋唔出嚟，警察就唔會開槍。你哋成日破壞，射你抵你死架，射死你咪啱囉。」
阿明由6月9日已參與反送中遊行。5個多月以來他都盡量上陣，最誇張一次，他連續100多小時在示威現場，每天只睡幾小時。這5個月間，他認識自己多了，同時更理解自己的優點。「我個人係熱心。當我對一件事有熱誠，我會百分百投入心血。」怎料到，這份熱心卻令他失去了自己。
開學後，阿明有感無法兼顧社運與學業，為了全心全力投入社運，他選擇退學。「開咗學個幾月就覺得唔得啦。雖然我唔係好大能力，但我想盡我嘅綿力去為呢場運動付出。好多個香港人加埋就有好大嘅能量。」他的人生彷佛只餘下社運，「我好似失去咗自己，生活得番社運。我無咗社交、娛樂、學業、家庭，咩都無晒。」
假如運動有暫停的一天，他餘下甚麼，又靠甚麼生活下去？阿明承認，勝利是一場漫長的戰役，或許需要幾代人的共同努力。只是，此時此刻他不會想要「錫自己」。「其實都幾可笑，自己都知嘅，但都甘心放棄自己。絕對唔會後悔，我覺得自己做得啱，之後都唔會後悔。可能我真係唔錫我自己。」阿明把自己縮得很小，把對香港的責任和其他人的安危放至最大。
問及他會否認為社會犧牲了一代年輕人，他們的青春埋葬在戰場、監獄。他說：「我預咗受，任何嘢都有風險。我揀咗呢條路，我就要犧牲我嘅時間。青春好寶貴，但更寶貴嘅係香港呢份自由。我唔想見到香港差落去。」說到這裡，他忍不住眼淚。
阿明認為，生於這個時代，盡力守護是他們的責任：「我哋係被揀中嘅一班人，個時代揀中咗我哋。我哋見到社會有問題，就要行出嚟。我覺得唔係犧牲，係負責。好似屋企火燭咁，無人喺屋企，唔通你就唔去解決咩？我都要為自己嘅屋企去解決問題，我唔可以俾佢變差。」

唔好出來投降呀!
雷霆救兵就快到啦!
美國的香港人權法案。

新聞來源連結:
https://hk.news.yahoo.com/勇武青年思考5個月抗爭-失去自己-無法放下-203815148.html

回覆引用被引用(23) TOP

VQ18 尊貴會員帖子 1794 積分 1783 註冊 2015-12-14 發短消息加為好友	#2 發表於 2019-11-22 13:09 只看該作者大中小繁簡 D文宣好過政府，殺人，放火一字不提。
UID 5803758 帖子 1794 精華 0 積分 1783 金幣 2279 閱讀權限 50 在線時間 9295 小時註冊 2015-12-14 最後登錄 2024-4-19 查看詳細資料	回覆引用被引用(9) TOP

大時代 VIP 帖子 5906 積分 6447 註冊 2007-1-5 發短消息加為好友	#3 發表於 2019-11-22 13:30 只看該作者大中小繁簡開始明白恐怖分子、自殺式恐襲是如何煉成的....
UID 2048945 帖子 5906 精華 0 積分 6447 金幣 66 閱讀權限 60 在線時間 3276 小時註冊 2007-1-5 最後登錄 2023-12-4 查看詳細資料	回覆引用被引用(1) TOP

幪面超人 Diamond Member 帖子 172648 積分 172648 註冊 2005-4-8 發短消息加為好友	#4 發表於 2019-11-22 13:36 只看該作者大中小繁簡無興趣知呢啲人渣心路歷程,社會從無虧欠佢地,佢地嘅墮落係佢愚昧做成
UID 339641 帖子 172648 精華 0 積分 172648 金幣 5878 閱讀權限 88 在線時間 27777 小時註冊 2005-4-8 最後登錄 2024-4-19 查看詳細資料	回覆引用被引用(4) TOP

嘻哈嘻哈 Golden Member 帖子 30342 積分 31870 註冊 2015-1-11 發短消息加為好友	#5 發表於 2019-11-22 13:36 只看該作者大中小繁簡 [按此打開] [隱藏] 破壞就叫做守護，個個思覺失調！
UID 5553906 帖子 30342 精華 0 積分 31870 金幣 6373 閱讀權限 80 在線時間 11798 小時註冊 2015-1-11 最後登錄 2024-4-19 查看詳細資料	回覆引用 TOP

1223456 Golden Member 帖子 23562 積分 24265 註冊 2004-6-1 發短消息加為好友	#6 發表於 2019-11-22 13:45 只看該作者大中小繁簡甘9偉大以前有冇做義工？天生天養，政府比$你讀書，屋企人養大你
UID 72526 帖子 23562 精華 0 積分 24265 金幣 3401 閱讀權限 80 在線時間 13671 小時註冊 2004-6-1 最後登錄 2024-4-19 查看詳細資料	回覆引用被引用(1) TOP

19hkend

尊貴會員

帖子: 1590
積分: 1587
註冊: 2019-10-15

發短消息加為好友

發表於 2019-11-22 13:46

點解冇人同佢講......自殺可以引起社會關注 ?
直播佢自殺 view 數會過百萬 ?
十年後仲有人記得佢 ?
當年六四死左好多好多好多學生 ?
快快手俾把刀佢.....搞 tim 等警察入去收屍 ,
仲係到扮野 ? 死人地就得 , 自己就唔得 ?

https://www.youtube.com/watch?v=27T63QNLpqg&t=7s

回覆引用 TOP

司恆從 VIP 帖子 5356 積分 5279 註冊 2016-8-24 發短消息加為好友	#8 發表於 2019-11-22 13:47 只看該作者大中小繁簡引用: 原帖由幪面超人於 2019-11-22 01:36 PM 發表無興趣知呢啲人渣心路歷程,社會從無虧欠佢地,佢地嘅墮落係佢愚昧做成 x2
UID 5968708 帖子 5356 精華 0 積分 5279 金幣 537 閱讀權限 60 在線時間 898 小時註冊 2016-8-24 最後登錄 2024-2-23 查看詳細資料	回覆引用 TOP

vincent.AC7 VIP 帖子 3530 積分 3476 註冊 2008-6-11 發短消息加為好友	#9 發表於 2019-11-22 13:54 只看該作者大中小繁簡一個人個人信念凌駕法律，堅得人驚
UID 3220632 帖子 3530 精華 0 積分 3476 金幣 1133 閱讀權限 60 在線時間 3464 小時註冊 2008-6-11 最後登錄 2024-4-18 查看詳細資料	回覆引用被引用(3) TOP

123火車頭 Silver Member 帖子 12688 積分 12351 註冊 2008-2-28 發短消息加為好友	#10 發表於 2019-11-22 13:59 只看該作者大中小繁簡 [按此打開] [隱藏] 引用: 原帖由 VQ18 於 2019-11-22 01:09 PM 發表 D文宣好過政府，殺人，放火一字不提。我都覺得係衰野隻字不提，曱甴好撚野呀
UID 3021115 帖子 12688 精華 0 積分 12351 金幣 1846 閱讀權限 70 在線時間 4239 小時註冊 2008-2-28 最後登錄 2024-4-16 查看詳細資料	回覆引用 TOP

supplier 尊貴會員帖子 2570 積分 2254 註冊 2011-3-24 發短消息加為好友	#11 發表於 2019-11-22 14:01 只看該作者大中小繁簡精神病
UID 4471975 帖子 2570 精華 0 積分 2254 金幣 2200 閱讀權限 50 在線時間 6437 小時註冊 2011-3-24 最後登錄 2024-4-19 查看詳細資料	回覆引用 TOP

理＋誠 Golden Member 帖子 25322 積分 25157 註冊 2015-6-19 發短消息加為好友	#12 發表於 2019-11-22 14:02 只看該作者大中小繁簡 19歲先F4，叻晒有限。難得有機會被關注，當然撐到尾。
UID 5674713 帖子 25322 精華 0 積分 25157 金幣 3926 閱讀權限 80 在線時間 10177 小時註冊 2015-6-19 最後登錄 2024-4-20 查看詳細資料	回覆引用被引用(2) TOP

奧林巴斯 Golden Member 帖子 30052 積分 29703 註冊 2005-9-3 發短消息加為好友	#13 發表於 2019-11-22 14:05 只看該作者大中小繁簡問心一句，他知道一直以來他究竟追求的是甚麼﹖還覺得去燒垃圾桶、襲警就可以追求到他想要的東西﹖
UID 693565 帖子 30052 精華 0 積分 29703 金幣 3205 閱讀權限 80 在線時間 5857 小時註冊 2005-9-3 最後登錄 2024-4-19 查看詳細資料	回覆引用 TOP

bobo_wong Platinum Member 帖子 86932 積分 83636 註冊 2006-2-18 發短消息加為好友	#14 發表於 2019-11-22 14:05 只看該作者大中小繁簡諗返6月前既自己係點樣，回頭是岸，唔好一錯再錯。
UID 1224825 帖子 86932 精華 0 積分 83636 金幣 9391 閱讀權限 85 來自 HK 在線時間 16709 小時註冊 2006-2-18 最後登錄 2024-4-20 查看詳細資料	回覆引用被引用(1) TOP

nobodynotalk200

高級會員

帖子: 927
積分: 923
註冊: 2019-8-13

發短消息加為好友

#15

發表於 2019-11-22 14:07

[隱藏]

藍絲, 中立人仕們如果你地仲係妄想反抗既, 今次選票就係你地既機會, 因為今次你地既表態唔會被人知, 唔需要同周圍既人反目成仇, 唔需要有被人圍私了既危險, 請好好把握好5個月黎第一次亦可能係最後一次可以同黑衣人正面交鋒既機遇, 如果輸左, 請你地準備好接受多5個月10個月甚至無盡既暴動, 可以再慢慢體會壓抑, 恐懼, 不憤, 無助, 忍氣吞聲既生活, 尼種感覺係點, 我林尼五個月黎大家都好清楚. 尼五個月, 警察都係孤軍作戰, 都係由佢地保護緊我地, 但係今次, 應該論到我地保護返佢地, 報答佢地既時候, 尼個要求可能好自私, 但請大家即是有咩事都好, 甚至可能係人生安全問題, 都希望盡力去投尼一票, 守護香港, 時代抗暴!!!!!!!