• 瀏覽: 716
  • 回覆: 3
[隱藏]
呢幾個月間唔中都有人攞出嚟講,成日話宜家美國俾緊香港特殊待遇,但又冇人可以詳細列出,咁連本身有咩都唔知甚至唔覺係有,咁你唔再俾唔係都冇所謂咩?
以下我個人睇法

去旅遊,香港人去美國一樣要搞簽證,到埗入境一樣要再被審視多次問呢問路查家澤咁,同大陸人去美國都冇乜分別,有d其他國家嘅人去仲方便過香港人去,咁呢樣對香港人嚟講已經係較為切身嘅都已經唔覺有咩特殊待遇

出口貿易,近呢廿幾年都已經冇乜係香港牌子香港貨要出口去美國,就算FMCG嗰d香港品牌(維他、李錦記、嘉頓、等等),賣去美國(華人市場)佔佢哋總生意額一成都冇,而且所打嘅關稅同其他國家嘅FMCG貨入囗美國都冇乜分別,咁呢個貿易議題都係唔覺有乜特殊待遇

調返轉入口貿易,最主要嘅美國貨要入口香港,咪係iphone,呢幾年iphone亦已經喺大陸同喺香港同步發售,令香港人炒少咗樣嘢賺少咗一筆,咁咪又係唔覺有咩特殊待遇

而d有錢佬d錢,外流出海外嘅,有幾多係直接投資咗喺美國?大多數咪又先去咗乜乜處女島註冊嘅公司再,過幾浸先投資去其他地方,俾你好快查出去凍結嗰d個人戶口,每個戶口入面都唔知有冇幾萬添

唯一可能有明顯影響嘅,咪美金仲同唔同港元掛鉤,但宜家人民幣喺國際市場地位都唔細,港元冇咗美金穩定滙率支持,仲可以改為同人民幣掛鉤

咁所謂取消香港特殊待遇,我真係諗唔出會有乜差咗嘅改變



回覆 引用 TOP

冇人知???


回覆 引用 TOP

原來前年對美國貿易弈差前年有345億。估計有好多都係內地轉口到,如果無特殊待遇,最大損失係香港,尤其香港貿易公司,好多仍然食中間人條水。在公司立場,尤其國際公司,香港無優勢還需要設一個公司嗎?關稅高那不如直接大陸開公司好了,人工平,雙語又好.  
取消特殊關係又係對申請簽證不便,讀書麻煩,對親美港人又係無好處。
我係中央,會更支持取消,可更快弱化香港地位,落實窮港政策。



Those anti-China, white-wannabe, white-worshipping HKies should leave HK IMMEDIATELY.

回覆 引用 TOP

引用:
原帖由 ginppl 於 2019-11-17 10:34 PM 發表

原來前年對美國貿易弈差前年有345億。估計有好多都係內地轉口到,如果無特殊待遇,最大損失係香港,尤其香港貿易公司,好多仍然食中間人條水。在公司立場,尤其國際公司,香港無優勢還需要設一個公司嗎?關稅高那不如直接大陸開公司好了,人工平,雙語又好.  
取消特殊關係又係對申請簽證不便,讀書麻煩,對親美港人又係無好處。
我係中央,會更支持取消,可更快弱化香港地位,落實窮港政策。 ...
美國貿易弈差主要係因為美國本土人工貴導致成本高,所以好多消費品都係進口

而香港,近呢十幾廿年自中國對外開放放寬貿易之後,香港對海外進出口再貿易已經一直減少,因為好多嘢都唔使再靠經香港再出口或入口中國。而中國勞動人工亦上升咗,所以好多嘢都已經改喺其他發展中國家生產,所以喺中國製造完再經香港出口嘅亦減少咗。

國際企業喺香港有office,大部分都只係管理香港業務,有d都會管理埋華南地區業務。但成個中國業務,嗰d企業已經喺上海北京有office,所以香港喺貿易方面已經冇優勢

香港人去美國旅遊讀書搞簽證已經麻煩過去其他要簽證嘅國家,而亦同中國人搞簽證冇乜分別,入境時亦多多問題,咁有乜特殊待遇?



回覆 引用 TOP

[按此隱藏 Google 建議的相符內容]