打印

[本港新聞評論] 網民熱話:外傭定奴隸?極品女僱主要求超無理

網民熱話:外傭定奴隸?極品女僱主要求超無理 E-mail 此主題給朋友

[隱藏]
女王不一定在皇室,現實生活中隨時都有可能遇上。近日就有僱傭中心中介遇上極品僱主,女僱主要求外傭清潔要「踎喺地下抹」,又提出諸多無禮要求,讓人非常傻眼。中介惟有以僱傭合約無法加入有關要求為由,變相「趕客」。



該名中介近日於Facebook群組「西客之道 Hispitality Secret」發布貼文,指一位打扮高貴的女子,「上到嚟已經嫌三嫌四,又話啲工人好臭,又話我公司地方污糟邋遢」,女子要求外傭要即時上班,又稱家裏「兩個大人冇小朋友,屋企千二呎主要係服侍我同執屋清潔」。中介表示問題不大,對方隨即補充:「我要個工人拖地唔係用地拖,係要攞塊乾淨布踎喺地下抹㗎!」中介稱可幫手問下,誰知女子立即「加碼」:「仲有!每晚要幫我按摩!我隻手要浸牛奶!要幫我按肩頸同埋搽腳甲油。」

眼見女子的要求待遇宛如服侍女王,中介只得向對方表示,「僱傭合約就唔寫得呢啲要求上去」,但對方到時「可以同個工人講」,如外傭願意便可。女子隨即發脾氣稱:「上個agent都係咁樣幫我寫啦」,「你唔寫個工人嚟到唔做咁點呀」。中介婉拒後對方竟「自爆」稱:「我啱啱個工人就係因為冇寫上去,話唔做呢啲嘢,跟住辭職呀!我冇工人用會死㗎!」

貼文引起網民熱烈討論,有網民稱要女子要求外傭「攞塊乾淨布抺地」並無不可,「我自己間中會咁做,但唔會對人哋有咁嘅要求。」有人狠罵女子「留喺世上簡直浪費氧氣」;有人則懷疑事情的真確性,但隨即有人表示「你,太年輕了」,指類似事情屢見不鮮。

工人姐姐都係打份工, 。呢行可以講係見盡香港人醜惡嘅一面...


新聞來源連結:
http://hk.on.cc/hk/bkn/cnt/news/20191108/bkn-20191108070013659-1108_00822_001.html



回覆 引用 TOP

熱賣及精選
甴曱女王的道理,自己永遠是對的、無問題的、係工人姐姐錯。


回覆 引用 TOP

都係黄屍僱主


回覆 引用 TOP

女王需要精神科大夫多d


回覆 引用 TOP

[隱藏]
 
處理好自己人,才顧外人啦。


回覆 引用 TOP

五大訴求,決一不可。唔寫圍佢。。。

[ 本帖最後由 josonlai 於 2019-11-9 02:17 AM 編輯 ]



回覆 引用 TOP

不如叫外傭貼身服待埋女王個老公。


回覆 引用 TOP

 




 


重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。