2018年香港人均GDP32. 1萬人民幣
2018年深圳人均GDP19. 7萬人民幣
經過我前POST分析,香港經濟三馬車都將衰退,我當極度樂觀比2%增長,而深圳保持7%增長,預計10年內2029年人均GDP深圳將超越香港。
到時香港人係咪就會話人均可支配收入都追過香港先算?
當仲有好多人一直用似是而非既理由話深圳取代香港係發夢既時候我就好想話比你知現實唔係咁樣。
當你話中國無facebook無youtube,無自由,打壓反中企業,外資唔會入黎中國既時候,2018年中國吸引外資規模破記錄8856億人民幣,超越美國成為全球最大吸引外資國,我唔理解點解會有人話中國既封閉會令外資走佬。
有人話中國比美國貿易戰打幾下就經濟衰退,我真係好想知佢衰退既資訊係邊到得返黎,2019年上半年,中國進出口貿易不但無減,而且係增長5.7%美國打擊既中國出口部份竟然愈打愈升,增長10.3%,對美出口只下降2.1%但順差擴大11.1%代表咩野啊?就係美國更需要中國貨,而且歐盟東盟既市場正取代美國地位,中國第二中貿易夥伴已東盟取代美國由第三升上第二,美國愈打愈衰,但有人話中國比美國打到鼻腫面青,明顯係缺乏正確既認知,可能睇得多平果連登有關。
有人話中國人生活係井底,因為有中國防火牆,佢地唔知世界發生緊咩事,但係佢地唔知中國係全球最多留學生既國家,每年超過50萬留學生到國外接受最高等既教育,國外程序網站reddit最活躍既族群係中國人,全球最大旅客群體係中國人,每年出國旅遊55億人次,100人只有5個人無出國遊,抖音,快手等流行APP有大量國外資訊,瀏覽量數以百萬計,雖然有防火牆,但並無阻礙中國人接收國外資訊。
如果仲有任何不解,可以留言反駁。