去到今日，要引蛇出洞嘅人都引到差不多，係人係鬼，現時社會連街邊阿婆都分到，呢個對於中央及林鄭政府繼續做嘢好重要。
新帖叫「大鳴大放、漁人收網」，表示中央開始收網，但呢個過程有機會會好漫長，因為引咗出嚟嘅黃人真係好多。止暴制亂，睇現時形勢，已經漸漸去到中後段，因為：
1.) 8月6日央叫齊500幾個人大政協及建制派上深圳開會，已經講到好明呢次風暴有顏色革命特徵，中央可以有很多方法出手，包括出解放軍，而且大力支持林鄭政府施政及警隊嚴正執法。開會後，呢幾日已經見唔到再有鼓油黨之流出嚟柒，再阿之阿左想向林鄭逼宮。
2.) 深圳開完會後，地慘佬出聲明投降，起碼暫時唔會講一套做一套，唔會抽林鄭後腳。
3.) 經過8月4日各區暴亂圍警署，及8月5日逼人罷工後，大叔身邊嘅淺黃人士已經收咗聲，亦已經有人開始唔滿意佢地做法。有顯示民意漸漸轉向。如果再有人搞罷工，大叔相信會有市民出嚟止暴制亂，反抗甚至「反擊」班曱甴。
4.) 8月10月各大報章出咗建制及甚至包括李澤鉅、王冬勝及李小加等聯署，亦有團體出嚟聲援警隊，見到氣氛漸漸明朗。
5.) 國內民航局出招打國泰，肯定國泰內部班黃色曱甴人人自危。大叔從來都贊成攻心為上，恐懼能做到寒蟬效應，長遠如果令到國泰失去市場份額更加可以長遠收拾國泰果班黃人曱甴。相信阿爺類似招數陸續有嚟，這只是一個開端。
6.) 大學果邊拉咗浸大隻曱甴，起初好威圍深水埗警署，結果踢保玩失蹤。相信呢位浸大曱甴未來都會好唔得閒。（不過可能呢位曱甴已經著草😏😏😏）。警方從佢身上應該攞到唔少料，可以繼續玩謝班曱甴。
7.) 警隊特別call番劉業成番嚟坐陣打曱甴。可以預見更會大大力打曱甴，繼續拘捕拉人，直至打到對方投降為止，打到班愚民放棄為止。
8.) 呢幾日仲有幾場示威，今日所見人數又係少過上次，不過班曱甴玩在野貓式搗亂，呢種形式可能令警方走嚟走去，但亦都更加擾民。雖然現時見傳媒訪問仍然係話林鄭唔回應要求，但呢d訪問去到今日已經可以不理。因為要上鏡，班被訪者會講理曱甴壞話嗎？而且將責任推落林鄭政府度就係最簡單嘅回應，香港嘅愚民點會唔知？呢d就係香港人世界仔嘅表現。但可能預計到，太多野貓搗亂都消耗緊班暴徒嘅資源及意志（因為吹唔到雞唔夠人先會野貓），又會更易被警方拘捕。
9.) 民與民相爭，又去到另一階段。繼元朗後，出現荃灣及北角嘅反抗人士，去對抗暴徒。剛剛北角果班鄉親雖然話不鼓勵福建人出來「反擊」暴徒，但又講到「人若犯我，我必自衞」，即係留咗尾巴，明天有機會會有人在北角流血！
10.) 機場係另一個重點，明天11/8會是第3天，班曱甴我仍然相信會衝擊，唔會咁順攤和平散去，可能會係近期搗亂行為嘅一個高潮。當然，明天其他區都會同時有搗亂。在港島，北角可能有人招呼班暴徒，但班人可能都會執銅鑼灣及警總，甚至西環；九龍呢邊，深水埗班曱甴又會再搞油尖旺及黃大仙，甚至觀塘。機場又可能由集會變長期佔領。相信明天會係其中一個重要決戰日子。如果大叔所說811嘅事情發展變成現實，再加上812如果要嚟一次「被罷工」，我相信中央會於短期內第三次記招，正式定性今次大風暴係暴亂甚至係顏色革命，到時雙方都無彎轉，林鄭政府或中央必會以真正武力手段解決。
11.) 寫呢篇分析時，犯民班已完已經比前幾星期退到好後，甚至不積極於暴力現場出現，因為佢地知道中央出咗聲，甚麼訴求林鄭政府都唔會答應，字裡行間亦無以前咁積極叫班愚民上去衝。但佢地現在仍打咀炮，只將責任推警方及林鄭政府度，真係如國內所說，別有用心，其心可誅。
[ 本帖最後由 大叔5935 於 2019-8-10 07:56 PM 編輯 ]
/https://www.discuss.com.hk/attachments/day_240423/20240423_3cbfa0bc6b8aa521fb91KeFU6NKwVIvd.png)
/https://img.discuss.com.hk/d/attachments/day_240424/20240424_89448419ce1fd49525e0bTSdVIdrSim6.jpg)
