時事新聞
時政文化討論
尊重事實，找出真相，獨立調查，抽出黑手
搜尋 ▾



新帖 回覆
  • 瀏覽: 1,125
  • 回覆: 2
  • 列印
    • 霞拳志郎

    高級會員

    帖子
    429 
    積分
    516 
    註冊
    2010-10-22 
    發短消息 加為好友
    [社評轉載] 尊重事實，找出真相，獨立調查，抽出黑手
    #1
    發表於 2019-8-9 11:58 
    如果真係懷疑有幕後黑手在培訓勇武的示威人士，挑動與警察的暴力對抗，就更加要作出全面的獨立調查。
    香港人唔係傻仔，唔係一個張曉明講一句有幕後黑手，或者葉國謙之流話一句有個訓練基地在某個離島，香港人就個個都蠢到好似啲嘍囉五毛、愛黨盲毛咁當係真，或者明知係假都講到似層層。如果葉國謙都知，點解政府及咁威武、咁有效率、咁世界一流嘅香港警隊仲唔去冚檔？葉劉淑儀、葉國謙這些人，都是行政會議成員，講嘢使唔使負責？如此嚴重的指控，使唔使提出證據？
    香港人見到嘅係乜？就係啲警隊高層日日出嚟做埋啲爛騷，攞啲所謂證物雷射槍離開易燃油墨上照射，去證明咁就叫係攻擊性武器。呢一類小學雞行為，究竟係侮辱緊邊個嘅智慧？只係不斷說明香港啲警察越嚟越低 B！建議警察即刻邀請葉國謙攞料，然後去離島冚了那個秘密訓練基地；也建議葉國謙主動與警方合作，知情不報等同包庇。如果係亂噏，就盡快收聲，唔好以為香港人係傻仔！
    依家正經嘢就唔做。搵幾個黑警跟蹤一個學生，然後趁佢買咗幾支雷射電筒，包裝都未拆，就話係攻擊性武器，擺明屈得就屈。仲要做埋啲咁嘅爛劇，擘大眼在傳媒鏡頭面前對住全香港市民講大話！如果係咁，我建議下次如果有人再搞不合作運動，唔好去搞搭車返工嘅市民，不如搵幾百人每人攞起美工較剪或者美術𠝹刀，去警署投案，自報有攻擊性武器，仲要順手告發隔離左右十戶都有，睇吓警察到時點做！
    中共最叻就係貼政治標籤，唔需要講證據，唔需要講客觀事實！日日話有幕後黑手，日日話有外國勢力操縱，但係從來提不出證據！而家就連特區政府都學埋呢啲咁嘅下三流招數。話你係反中亂港，就係反中亂港；但係從來只係得政府咁講，從來都唔需要證明。
    如果話搞亂香港，把香港拖向危險的深淵，這個人是誰？這個人其實就是林鄭月娥及那幾位主導着成個《逃犯條例》修訂的問責官員。有律師出來證明 6 月 12 日早上七、八點，已經有示威者被拉被失蹤。這一個事實說明了 6 月 12 日下午在立法會及金鐘一帶，無區別全方位濫用警察武力、大範圍施放催淚彈這個做法，也是整個政府陰謀的一部份。目的就係要盡快令立法會繼續開會，通過修訂草案。這是整個抗爭運動走向暴力的觸發點。當天衝擊警察防線的只是在立法會門外的少數人，但警方的暴力卻遍及整個金鐘，除立法會門外及政府總部之外，由中信大廈一路去到統一中心、金鐘廊及太古廣場一帶。 我當天在場觀察，我當天已經說，當時最暴力的暴徒其實就是警察。
    那是一個關鍵的轉折點，然後港人憤怒了，出現了 6 月 16 日二百萬人的遊行。
    另一個轉折點，是 6 月 30 日的那個撐警大會，除了一批愛黨盲毛式的藍絲之外，還是第一次有江湖人物走出來支持政府。那天也是第一次出現以「針對人為目標的暴力」，他們吐口水、撥泥、圍攻記者、打議員、搗毀展示物，全部都有贓有證有片有錄音！暴力施政是政府造成，在抗爭中帶入暴力顕然也是親政府的、支持政府的那些力量開始的。
    7 月 1 日衝擊立法會確實很有問題，這一種以暴易暴的方式不可取，但起碼他們不是以傷人為目的，而是對政權暴力的回應。我贊成要作深入調查、要追究。但同樣也贊成要對引起這種暴力回應的政權暴力、警察暴力、及江湖藍絲暴力追究到底。這才算是公平合理！
    事件拖延的主要原因是政府不肯正式撤回那個草案。當獨立調查已經成為社會上最大的共識及公約數的時候，政府仍然以千般不成理由的理由拒絕。警監會的業績有目共睹，有行政暴力在先，有警察暴力在後，再有藍絲江湖暴力跟尾，你叫香港人及那些被警察濫打濫捕的人去相信警監會？
    往後這幾個星期的事態就更加不用多說了。示威者的暴力回應在提升，警察的暴力就更是變本加厲。而且把不守紀律、不跟循警例、不出示委任證、亂放催淚彈、警棍亂揮、以後續暴力對待被制服了的示威者，這一類違紀違法行為視作理所當然。違法達義就得唔，違法執法係咪冇問題？
    也很想知道 7 月 21 日元朗恐怖襲擊的幕後黑手是誰，最好幫香港人查清楚。現在有不少人說幕後黑手就是中聯辦、香港警隊。也有不少人認為是官黑勾結。而家仲有傳言話區區都有黑幫，或者所謂「愛國的正義力量」，已經被中聯辦動員，政府及警方又會全力配合佢哋以更龐大的暴力去「止暴制亂」，香港人究竟會信邊個？
    點解中聯辦、港澳辦話抗爭活動是陰謀，又有幕後黑手，又話有外國勢力，但來來去只得譚耀宗、葉國謙、梁美芬呢類人、再加埋那些盲毛藍絲才會信？廣大市民就是不信。年輕人就更加不信。點解話警黑勾結、中聯辦亂港，又有咁多人信？
    唔好求其搵一個在香港市民心目中完全冇公信力嘅京官，靠把口講一句就以為可以說服香港人。更不可能以為官員放個標籤，大家就一定唔信唔得。
    大家要繼續堅持尋找真相。大家要知道誰是這一次反送中亂局的罪魁禍首，大家要搞清楚那些官員需要問責，大家要知道警暴及江湖暴力的幕後黑手是誰，大家也要知道是不是真的有幕後黑手及外國勢力在搞亂香港。唔好得個講字，全面的獨立調查最實際，最能夠令香港人服氣！
    香港是一個理性的社會，擺事實、講道理、講證據、講程序，才能服人。還是那一句，如果行得正、企得正，怕乜全面的獨立調查？支持政府透過獨立調查證明我及很多其他香港人諗得太多而且講錯。請用理性和事實說服香港人！除此之外，還有其他方法嗎？

    https://thestandnews.com/politics/尊重事實-找出真相-獨立調查-抽出黑手/

    政府對和平的表達手法置若罔聞，甚至將責任推向警隊，期望暴打市民、濫捕濫告就能解決問題。
    必須將事件查明，還年青人清白。


    #林鄭月娥 #梁美芬 #立法會 #葉劉淑儀 #葉國謙
    回覆 引用 TOP
    big3624

    Platinum Member

    帖子
    59979 
    積分
    61591 
    註冊
    2006-2-6 
    發短消息 加為好友
    #2
    發表於 2019-8-9 12:00 
    呢個係暴民陷阱！！！

    係咪全面調查成件事？？？
    定係祇針對警方？？？？
    暴動其他人查唔查？？？
    參予暴動領頭人呢？？？
    泛民議員經常高調現身現場查唔查？？
    成件事資金來源及流向查唔查？？？
    外國駐港人員 CIA 查唔查？？？

    全面調查關鍵人物？？？？

    黎智英，各泛民議員，連登各版主，有參予暴動領頭人士，佢哋全部肯作供？？？全部肯交出通訊記錄？？？？

    外國駐港情報人員呢？？？CIA 有幾多人員駐港？？？美國領使會答？？

    所謂全面調查根本唔全面，全部係鳩噏！！！！

    根本係泛民嘅陷阱，令暴民覺得可以用暴力達到訴求，跟住再不斷加新要求！！！！
    回覆 引用 TOP
    kwokshinglap

    尊貴會員

    帖子
    1190 
    積分
    1043 
    註冊
    2011-9-22 
    發短消息 加為好友
    #3
    發表於 2019-8-9 13:42 
    睇樓主的水蛇春，就知道毒辣屌茶曬鳩氣，坐主席嘅係自己人就煮食警察淨係睇一邊證據聽一邊證言，唔係自己人就話委員會無公信力
    回覆 引用 TOP
    伸延閱讀
    人類錯的很離譜不知道人30歲之前無法鑒別誰是天才 偉大的項目獻給偉大的華為公司 抗議是下下之策 研究：中國“失獨女性”達288.8萬，未來還將快速增加 - 失獨男性呢? 難道他們又不痛苦嗎? 政府經常宣傳23條國安法，其實係幫黃畜賤種 黃畜賤種而家集體攞經濟攞講，扮關心港人？？？
    新帖 回覆
    [按此隱藏 Google 建議的相符內容]