希望警察們真係停一停唸一唸,可能有高官落order要你地追究到底,但其實有好多明知告唔入又何必亂告呢?你告人襲警,但其實個警察係混入人推都冇表示過身份,連委任証都冇其實點告得入,你地亂告人只暴露左成個警隊大失方寸。
7月21我感覺到唔係講笑,你地以為大搜捕會嚇到人? 我唸到左大家nothing to lose嘅時候個反撲可能大到你唔信。希望大家唸下因果關係,其實可以選擇冇人會無端針對警察,而警察其實都冇必要去將示威者當做敵人。
高官現在明顯離地,用錯方法去解決問題,如果你都有同感,我建議你回歸正軌,按警例辦事,齊心一致,保持政治中立,將問題交回林鄭政府去承擔佢地嘅責任,先係解決辦法。
一個人嘅戀位,令到咁多傷亡發生,實在令人痛心,林鄭果日響醫院嘅表情同言論,相信已好清楚表達到佢嘅心理同計劃,所以前線警員,何必做一個工具人,甚至歷史罪人呢?