註冊 登入



打印

[政治討論] 無意見都係罪? 我討厭政治 ----- 一個普通市民的心聲

無意見都係罪? 我討厭政治 ----- 一個普通市民的心聲 E-mail 此主題給朋友

[隱藏]
篇野可能有D長
我係一個普通市民, 係香港出世, 土生土長, 而父母則係因為走難落香港
細細個嘅時候, 聽呀媽同亞公成日講文革時期嘅黑暗, 咩三反五反, 咩紅衛兵攪批鬥, 從佢地口中得知, 我有個大舅父比紅衛兵批鬥而死左, 所以呀媽同亞公就憎到當時共產黨死,但係坦白講, 我未見過大舅父, 所以其實無咩特別感覺
經歷過97金融風暴, 2000年科網股爆破, 03沙士嘅洗禮, 覺得要生活安定最重要係有穩定嘅經濟能力, 所以對我嚟講, 只關心經濟, 政治? 我識條鐵咩, 一直都唔上心, 攪咩都好, 唔好阻人搵食就得
近年, 睇新聞, 都時時佈導政治新聞, 一班朋友聚會,  以為會開開心心, 亦好多時因為政治立場問題, 而"討論"到面紅耳熱, 我對呢D情況覺得非常煩厭, 我覺得, 政治只有立場, 無錯對之分, 甲之熊掌 乙之砒霜, 有咩好呦!?
直到佔中時期, 一班舊同學去食飯, 話題當然又係政治, 一路都無咩出聲, 直到有同學問我有讚成定反對, 我話: "其實 I don't care 有無得選特首, 有又好無又好, 只係想佔中快D完, 唔好阻住日常社會運作, 唔好阻人搵食講 (包括我)"
點知話口未完, 個同學即刻指住我 (真係隔住個位, 用食指手指指咁係我面前幾寸位)嚟鬧 -- " 你呀 ! 點可以咁自私呀! 叫你羲生少少都唔得?! 你知唔知如果而家唔出聲, 香港就無民主 ! 無哂自由 ! 遲D連屎都無得食呀! 你知唔知呀 ?! BLA BLA BAL....... (下刪五百字)"
我當時反應係 " 吓?!" 開頭嗰秒唔識反應, 因為從來無諗過講無意見都會比人鬧, 當時無同佢呦, 當條友飲大左兩杯算數, 事後有其他同學APPS 我, 話佢黃絲到出哂名, 無人敢同佢呦, 我鬼知咩, 咁鬼耐無見, 而且我只係無意見啫, 都要鬧 ?? 又話要言論自由?
上星期, 同一個朋友去HAPPY HOUR, 電視播緊新聞台, 我無意地講左句, " 唉... 又霸住條路, 真係好煩, 架的士咁就無左一日車租, 真係陰公 "個朋友話, 嘩, 你同我呻好啦, 比某D人聽到, 煩都煩死你, 我話你又比人鬧過? 傾開原來佢有我類似經驗, 又係無意見, 不過佢好D, 佢只係成餐飯比人係咁同佢講民主有幾好幾好,自由有幾好幾好,佢形容好似去左層壓式推銷會, 又或者邪教聚會咁.....
我唔知有幾多人好似我咁嘅立場 --- 無意見份子,  討厭政治, 但而家真係唔係好敢亂講政治立場,發現原來無意見都係罪, 而壓力唔係來自政府, 而係來自身邊朋友, 回想當年亞媽成日講嘅文革時期紅衛兵攪批鬥真係有D似, 香港幾時變到好文革時期嘅大陸咁? 香港仲係咪我以前認識嘅香港呢??


好日唔發文, 佔唔到有咁多回帖, 真係多謝唒!!
係度講出長氣多兩句, 我發文原因其實我只係分亨我嘅經歷,, (因為唔敢係FACEBOOK發文, 驚下次見到D FRIEND 又比人鬧)
討厭政治原因係因為政治可以令一個人徹底改變, 眼見好多人因為政治立場會連朋友都做唔成, 其實咁又何必呢 !? 正如我嘅經歷, 當日其實係有D唔開心, 咁大個人無幾可過比人指住我個鼻鬧 , 黃子華話齋, 搵食啫, 犯法呀 !? 係呢度發文即使比人話, 起碼唔會比人手指指,指住個鼻  而興幸係原來有好多人同我諗法相近 , 比人話五毛? 港豬? 自私? 是旦啦 !
當年亞洲四小龍: 新加坡, 南韓, 台灣, 香港, 眼見台灣近廿年因為攪政治而令經濟停滯不前, 而家已經落後於其他三地, 只係唔想香港步台灣後塵, 香港個老本 - 咩金融中心, 其實唔食得好耐
明白即使我唔理政治, 生活都離不開政治, 但覺得香港已經TOO MUCH 政治, 同意一個地方係需要反對派, 但凡事都要適可而止, 做得太盡唔一定係件好事



[ 本帖最後由 newway901 於 2019-6-19 05:54 PM 編輯 ]



熱賣及精選
我FB的群組都差不多全退了


唉,今日都係. 原本唔想講,話通過或不通過無所謂.
結果俾人話點會無所謂?應該關心等等.



Our Preferences are about framed problems, and our moral intuitions are about descriptions, not about substance.

For a public used to picking up a paper and reading what it wants to hear, hearing the truth was just way to inconveniant
樓主你放心,相信香港有一半人都係咁既心態...
我平時食飯,一講政治,立刻食番自己碟飯唔出聲,由得佢地講...
坦白講,依家問題係一講政治,兩方立場不同的人就會互相鬥大聲,完全唔會說服到對方,呢種情況,不如唔好出聲算.....


近排,我連報紙新聞版都唔睇,遠離政治,身心舒泰.....



[隱藏]
引用:
原帖由 newway901 於 2019-6-17 01:52 PM 發表

篇野可能有D長
我係一個普通市民, 係香港出世, 土生土長, 而父母則係因為走難落香港
細細個嘅時候, 聽呀媽同亞公成日講文革時期嘅黑暗, 咩三反五反, 咩紅衛兵攪批鬥, 從佢地口中得知, 我有個大舅父比紅衛兵批鬥而死左, 所以呀媽同亞公就憎到當時共產黨死,但係坦白講, 我未見過大舅父, 所以其實無咩特別感覺
經歷過97金融風暴, 2000年科網股爆破, 03沙士嘅洗禮, 覺得要生活安定最重 ...
同感!
我而家係親朋戚友面前提都唔敢提政治
自己意見都唔夠膽講!
因為都試過係朋友group度呻一句就俾人圍攻
坦白講,啲人成日話大陸一直在剝削香港人的言論自由,但我真係唔覺得,反而我的言論自由而家係被香港人剝削



引用:
原帖由 巴巴先生 於 2019-6-18 12:05 AM 發表

樓主你放心,相信香港有一半人都係咁既心態...
我平時食飯,一講政治,立刻食番自己碟飯唔出聲,由得佢地講...
坦白講,依家問題係一講政治,兩方立場不同的人就會互相鬥大聲,完全唔會說服到對方,呢種情況,不如唔好出聲算.....


近排,我連報紙新聞版都唔睇,遠離政治,身心舒泰..... ...
97前大家都唔講政治,人與人之間真係和諧好多



個班人惡過乜,仲拉埋我個未夠兩歲女來罵,FB都少講政治


引用:
原帖由 a_drew 於 2019-6-18 12:41 AM 發表

個班人惡過乜,仲拉埋我個未夠兩歲女來罵,FB都少講政治
佔中後,我直頭唔上唔post唔follow新野。。。


同顧客傾偈,風花雪月算,一講政治我就話"唔好講啦。。。",佢再講我借D意話去搬貨/落單算。。。



引用:
原帖由 WOLVESNOTFAR 於 2019-6-18 12:38 AM 發表


同感!
我而家係親朋戚友面前提都唔敢提政治
自己意見都唔夠膽講!
因為都試過係朋友group度呻一句就俾人圍攻
坦白講,啲人成日話大陸一直在剝削香港人的言論自由,但我真係唔覺得,反而我的言論自由而家係被香港人剝削 ...
天與地都話:和諧不是只有一種聲音,而係要尊重不同的意見。。。
依家好似鬥大聲咁,立場企硬要蓋人把聲咁,好似要把對立意見掩沒咁。。。



[隱藏]
佔中後,一見到facebook出現黃色友share洗腦野,即刻hide post


沉默也可以助紂為為虐!

一段關於納粹逼害的名言:「當納粹份子逼害共產黨員時,我默不出聲,因為我不是共產黨員;當納粹份子逼害基督徒時,我默不作聲,因為我不是基督徒;當納粹份子逼害猶太人時,我默不作聲,因為我不是猶太人;當納粹份子的屠刀對準我時,已沒有人出聲,因為他們全被殺光了。」

 選擇對邪惡默不作聲的人,不但成了邪惡的幫兇,也害了自己;如果他還逼迫其他正在發聲的人,要別人跟他一起默不作聲,那麼他更等於成為了邪惡軍團的士卒──即使他自己應為,他沒有把靈魂賣給邪惡,但他的實際行動,卻與真心效忠邪惡的士卒無異。



引用:
原帖由 newway901 於 2019-6-17 01:52 PM 發表

篇野可能有D長
我係一個普通市民, 係香港出世, 土生土長, 而父母則係因為走難落香港
細細個嘅時候, 聽呀媽同亞公成日講文革時期嘅黑暗, 咩三反五反, 咩紅衛兵攪批鬥, 從佢地口中得知, 我有個大舅父比紅衛兵批鬥而死左, 所以呀媽同亞公就憎到當時共產黨死,但係坦白講, 我未見過大舅父, 所以其實無咩特別感覺
經歷過97金融風暴, 2000年科網股爆破, 03沙士嘅洗禮, 覺得要生活安定最重 ...
出街又好,公司又好,學校都好
紅衛兵滿天下
佢地企出來大聲講野就話政府唔俾自由佢
其他人發表其他竟見就會被杯葛,封殺,圍攻
呢d係民主定文化大革命?



其實我同大家一樣, 呢期盡量唔睇新聞, 一返屋企就煲劇

[ 本帖最後由 newway901 於 2019-6-18 11:00 AM 編輯 ]



香港太多人被洗腦,缺乏獨立思考。宗教、社福,教育、政黨、再加上電台、電視、utuber,成個社會充斥一個氣氛就是要反。為什麼?不知道,總之就是唔好啦!
情況就似逃犯條例係華為,泛民係老尾!
老尾話華為唔安全,有證據?那裡不安全?不知道,總之信唔過。
逃犯條例那裡有問題?總之送中啦!



[隱藏]
黃色人士真係好狂熱,根本唔講道理
一種係唔岩聽就叫你收聲、另一種係屌7你五毛乜乜77
冇一個會討論條例本身



謀可寡而不可眾,利可共而不可獨
 提示:支持鍵盤翻頁 ←左 右→
[按此隱藏 Google 建議的相符內容]




重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。