個個星期日,遊行要持之以恆,唔好林住幾個月可以完事,個日一百萬人遊行林鄭已經慌左,所以先死頂想今日格硬搞二三讀,我地如果每個星期遊行,佢都好難同雜種交待佢有幾打得,我唔排擠激進運動❨我12/6都有去❳,但衝擊始終係短計,需要長計支援。
首先,衝唔衝得過警察係問題,人地有gas有炮,我地真係好難打得過,其次如果我地打低晒啲警察,北京就有藉口收返香港維持治安,軍隊一黎直接會用實彈,唔會再同你玩橡膠彈同tear gas (甚至可能用毒氣),到時我地淨係紀念義士都有排忙。
呢個方法嘅好處係大家都會相對安全,又唔犯法,而且可以得到廣泛市民支持、甚至參與,班中年佬你估佢地真係支持今次修例?修例一過,美國一出手,佢地一層樓至少跌一球,星期日遊行佢地就好大機會會肯出黎。反正係長期抗爭,我亦鼓勵大家試多幾次連續超過五十萬人和平遊行,個幾次唔搞激進,敢樣先唔會有機會比政府同建制轉移重點,比位佢地話示威者暴力,所以警方先點點點,回應傳媒個陣只能夠直接回應有市民不滿呢個point。
啲不合作活動可以平時進行,啲激進活動就係星期日遊行後隨機進行,有時搞有時唔搞,可能一個月係一次,但唔知邊個星期日,等啲警犬個個星期日都要ot stand by,我地唔去玩,佢地都一齊冇得放假去玩,玩到佢地謝。
淨係斬一刀落個人度,個人可以去睇下醫生,休養完冇事。但如果成日間唔中攞支針吉下佢,長期落黎,佢真係會崩潰。一個星期日梗係無用,但半年、一年呢?就好難講。有冇睇黃子華,混食係香港人核心價値,叫人長期日日唔返工返學,有幾多人采你?爭取每次都過五十萬人上街遊行先行長遠之計,就算當中四十九萬人唔打得都睇啊。而且出黎多幾,多啲社會參與,佢地對抗爭嘅睇法亦可能轉。以小博大係無得急功近利。
個個星期日遊行,直到林鄭撤回修例同下台為此!