我認為香港人欠缺獨立分析能力，人講乜就信乜，相反真相就提都唔提。現今科技令人與人之間距離拉得好近，一句假說話就可以輕易轉達到比好多人，有幾多人真係睇清楚事實既真相？
引渡條例好多國家都有，係為左令逃犯繩之於法，而今日討論既逃犯條例真係要犯下彌天大罪先可以引渡你，仲要免死刑，成日驚大陸嫁禍咁你咪唔好返囉，同埋奉勸你盡快移民，距離2047年只有28年咋，唔走大陸都係會捉你。
咁驚做乜？大陸以前係有一段黑暗歷史，但邊有國家係冇？就算而家民主大國美國都有黑暗歷史啦，水門事件就係例子。今日大陸我唔敢講好公平公開公正，但比起以前真係進步左好多，點解我地唔可以比些少信任佢呢？
大陸每天進步神速，香港就原地踏步甚至退步搞分爭，近近地上一上深圳南山睇下人地d生活品質，同香港比天淵之別，我敢講香港冇一個地方比得上南山，人民不斷努力為自己理想搞創新科技，都唔好話再去上海浦東睇下，鬼佬比例多過中環灣仔區，佢地真係驚中國就唔會開咁多外國品牌公司啦，美國walmart大陸有而香港竟然一間都冇，又想嚇鬼咩送中條例一通過就大量外商撤資，咁大陸應該一間外資都冇先係，點解美國仲要叫大陸全面開放市場，佢地唔驚大陸捉佢地去洗頭？唔通大陸只係會捉香港人洗頭？
以前我都曾經係一個仇中人仕，2014年後反而發現自己一直被洗腦，到近年返上大陸先發現自己活在如此井地。香港人請你好好分析你今日在反對甚麼？烏龜都快到終點了，你還在睡夢中？
[ 本帖最後由 NeverEverBetter 於 2019-6-12 11:39 AM 編輯 ]
/https://img.discuss.com.hk/d/attachments/day_240418/20240418_5ee20b751fa4088ca4famN4isadn0Dsy.jpg)
