繼續天南地北,談談我在國外的現象(雖然大家一早估到,心裡有數情況會係如此。但今時今日極為嚴重,亦親身証實了)
話說小妹相識滿天下,皆因我天生嘅磁場、性格、口才就會吸人理身,不論男女
去越南4日,尋日同今日有果種心情願意交流吓,所以尋日識左3位中國女生、今日識左一個越南幾代嘅華僑(不懂中文,只有名字係中文)(前日冇心情,對一位越南本地人落左閘)
好,回主題。3位女生和一位男生,開場白不到5分鐘之內,都問了我同一問題: 新聞都報了好多、鬧得好大,你們香港人真的那麼討厭中國人嗎?
這麼多年接觸外國不同人事物,從未感受過,外面嘅人一見到香港人,就會即刻聯想到:你哋好憎中國?
我當然公平地分析俾佢哋知道,香港係政治學上,係兵家必爭之地,所以幾十年來一直有外國勢力插手、操控、洗腦,導致有一部份香港人憎恨中國,但又會說不出合理理由為何憎恨。
************
基於以上我所講呢一段內容,外國勢力今年似乎好用力咁將香港嘅形象打造成另一個台灣。今後,香港會更加亂!