美國政府封殺華為,香港啲盲反中大聲叫好,個個只係識得幸災樂禍,以為自己反中咁多年終於有啲回報。
但成件事係咪咁簡單?做生意的人又會點諗?
先係美國自己的公司。Google在商言商,只係一心諗住賺多啲錢,理得用佢啲APPS/服務的係華為機定三叔機。所以越多機能用佢啲服務,佢自然越開心。而家美國政府監粗唔畀華為機用Google嘅服務,華為機在外國的銷售固之然受到影響,但Google相信亦都爆緊粗。因為雖然有人會因為華為機用唔到google而改用其他機,但亦有一啲人唔會特別留意呢啲嘢,買到華為機返來後先知道冇得用google play 或其他服務,自然會去搵其他替代品,噉google就可能永遠失去左呢啲客戶。唔好以為冇可能發生。大把人由iphone轉android機(反之亦然),都要經歷類似過程,煩左幾日後,部機咪一樣照用!所以華為冇得用google的話,大把國內軟件公司,甚至乎其他非美國的外國公司,好樂意幫華為手-----分分鐘呢個仲係打破google在外國壟斷,令國內軟件生產商衝出國際的機會!結果最後google點都係蝕底咗。相信其他美國公司都係人人自危,唔知幾時美國政府會燒到佢哋嗰達。
其次就係非美國的外國公司。之前有中興,而家有華為,本來同美國公司合作得好地地,而家美國政府一句唔高興,就話美國公司唔可以再同華為合作。其他打算想同美國公司合作的外國公司會點諗?如果我而家同美國公司合作,突然間有一日美國政府同我自己國家政府唔知因乜事傾唔掂數反枱,唔俾美國公司同我合作,噉咪盞搞?不如直接選擇其他非美國的公司安全啲喎!
所以,表面上美國政府大石砸死蟹,靠打擊華為,小勝中國一仗。但美國政府在保護營商環境上的信譽今次可謂蕩然無存,成件事可以話係得不償失!
[ 本帖最後由 阿聞 於 2019-5-20 06:30 PM 編輯 ]