打印

[本港新聞評論] 表格堆積 高層捽數 日日OT 派$4,000亂局  政府文員壓力爆煲逃亡

表格堆積 高層捽數 日日OT 派$4,000亂局  政府文員壓力爆煲逃亡 E-mail 此主題給朋友

[隱藏]
【本報訊】政府向合資格人士派發4,000元的「關愛共享計劃」,涉及高達3億行政費,但計劃推出以來行政管理混亂,申請手續繁複擾民,審批程序緩慢。負責的在職家庭津貼辦事處直至本月下旬才聘足700名員工,惟有相關計劃的合約員工透露,人手仍嚴重不足,管理層要求員工「跑數」,每人每日需輸入250份申請表及發放...



【本報訊】政府向合資格人士派發4,000元的「關愛共享計劃」,涉及高達3億行政費,但計劃推出以來行政管理混亂,申請手續繁複擾民,審批程序緩慢。負責的在職家庭津貼辦事處直至本月下旬才聘足700名員工,惟有相關計劃的合約員工透露,人手仍嚴重不足,管理層要求員工「跑數」,每人每日需輸入250份申請表及發放通知短訊,不少人已離職。工會預計,聘請困難加上員工「劈炮」,未來情況將更為混亂。記者:伍雅謙



相關新聞:申請今截止 暫僅1.7%收到錢

去年《財政預算案》公佈後,政府再提出「補漏拾遺」的關愛共享計劃方案,向未受惠於預算案的市民派發4,000元「補鑊」。去年職津處因應關愛共享計劃,開始刊登招聘廣告,以月薪14,325元聘請辦公室文員,合約期為一年。有獲聘的合約員工表示,派錢計劃籌備近一年,但行政管理混亂,年初派發申請表時辦事處已不夠人手應付,及後更因派表首日取表人士大排長龍,政府要急增200個投遞箱,令原本獲聘為辦公室文員的合約員工,要臨時被抽調負責收集申請表。

兩分鐘要完成一份表格


職津處原本計劃聘用700人,上月底仍只聘用了400名員工,本月下旬才終於「湊夠數」。但有合約員工透露,人手仍不足,辦公室積壓大量以紅白藍膠袋盛載的申請表,管理層要求員工「跑數」,規定每人每日需輸入250份表格,並以人手發出確認短訊,即平均每兩分鐘便要完成一份表格輸入,「好多同事唔停手,只入到約200份」,每天最少需加班兩至三小時,周六更需要全日上班;接聽熱線的員工每日則需要接聽120個查詢,據知有員工因應上述情況,上月去信立法會投訴。香港文書職系公務員總會總幹事梁籌庭透露,因上述工作屬短期合約,難吸引應徵者,「根本就請唔到人」。據他了解,處方確有實行配額制,要求員工每日最少輸入200份資料,令員工面對極大壓力,又因要天天加班,內部早已怨聲載道,「周六、日都要做,根本放唔到假」;負責審批的合約員工面對大量申請表,有員工上班兩至三周已請辭。

政府發言人表示,截至本月23日,職津處因應關愛共享計劃聘用約700名員工,涉及1,100萬開支;其中約300名員工負責輸入資料、接聽熱線及審批工作,其餘則負責協助處理申請,包括到各投遞箱收取申請表、為申請來函開封及聯絡資料不足的申請者等。職津處否認要求員工每日完成指定限額,只表示有需要時會增聘人手。該處又指,目前已經收到超過280萬份申請表,並向逾190萬申請人發出確認通知。對有職津處員工向立法會投訴處方管理混亂,立會拒絕回應,僅指設有申訴制度處理市民對政府不滿而提出的申訴。



陳司長可唔可以出嚟講兩句?你派嗰少少錢搞到勞民傷財,正垃圾!

新聞來源連結:
https://hk.news.appledaily.com/local/daily/article/20190430/20667385



回覆 引用 TOP

熱賣及精選
早就話唔好派,真係自作孽 


回覆 引用 TOP

之前全民派6000行政費好似用咗2億,人地申請後8星期內全部收晒錢,今次只派300萬人,行政費仲要貴多1億幾,仲要唔知幾時先有錢收,全世界吊緊阿波叔,我地嘅偉大特首就當睇唔到,呢一屆嘅政府班底系咁多年之中最垃圾嘅一屆


引用:
原帖由 唔好問我咁多 於 2019-4-30 06:21 PM 發表

之前全民派6000行政費好似用咗2億,人地申請後8星期內全部收晒錢,今次只派300萬人,行政費仲要貴多1億幾,仲要唔知幾時先有錢收,全世界吊緊阿波叔,我地嘅偉大特首就當睇唔到,呢一屆嘅政府班底系咁多年之中最垃圾嘅一屆 ...
邊有咁大隻蛤乸隨街跳



[隱藏]
一早網上填表就OK


回覆 引用 TOP

引用:
原帖由 唔好問我咁多 於 2019-4-30 06:21 PM 發表

之前全民派6000行政費好似用咗2億,人地申請後8星期內全部收晒錢,今次只派300萬人,行政費仲要貴多1億幾,仲要唔知幾時先有錢收,全世界吊緊阿波叔,我地嘅偉大特首就當睇唔到,呢一屆嘅政府班底系咁多年之中最垃圾嘅一屆 ...
好像上次派6000咁做,咪幾好



引用:
原帖由 WPQT1968 於 2019-4-30 18:29 發表




邊有咁大隻蛤乸隨街跳
波叔無份濕腳我真系唔信



引用:
原帖由 唔好問我咁多 於 2019-4-30 06:31 PM 發表



波叔無份濕腳我真系唔信
畫公仔唔使畫出腸



回覆 引用 TOP

引用:
原帖由 mah49 於 2019-4-30 18:31 發表


好像上次派6000咁做,咪幾好
今次咁派擺明有古怪,貴咗咁多行政費,仲要自己用低價請大量一年制合約文員返黎做,唔比用網上申請,全部只可人手寄出,你話個3億幾實制用咗幾多?有幾多比人濕脚濕咗去



回覆 引用 TOP

[隱藏]
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
2月1號正式首日交表既人
都仲未收到錢
其他政府部門同事做野
可唔可以以此為標準



彩虹憍再會, 延續未完情
領養請在面書搜尋Olausen Lisa

回覆 引用 TOP

一早話左派錢班刁民都唔會多謝你, 自己攞黎衰


回覆 引用 TOP

[按此隱藏 Google 建議的相符內容]






重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。香港討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright©2003- Discuss.com.hk Limited. All Rights Reserved.
版權所有,不得轉載。