我曾經係遊輪做過PORTAGENT, 我又分享下曾經發生既案例比大家參考下, 好長, 唔好意思~~
發生事件係一年半前,隻訪港既遊輪注冊國係意大利. 歌X達
一名香港女仕,於CRUISE上唔見左錢, 而佢講出唔見錢既時間,而當時既時間遊輪於公海行駛中,乘客透過SERVICE STAFF 各船長報告, 果時已經係大約晚上十點,而船隻將於明天早上靠泊啟德遊輪碼頭,所以,船長以SAT-PHONE+ EMAIL 通知我, 而我就向碼頭REPORT並安排香港警察到場"協助"
各靠好碼頭之後,就安排香港警察上船,我地同船長, 副船長,HOTEL DIRECTOR 同HK POLICE & 事主商討失竊及跟進.
最麻煩呢係個香港女人, 唔SURE唔見左幾多, 只係記得上船第一日佢有數過銀包有幾多錢,之後回香港前最後一日數錢時就少左,而佢亦承認曾經過去過船上賭場, 而隻船亦去過其他港口, 但以香港人既性格同特質,更係要死都話有人入佢間房偷錢.船長就回駁佢講佢絕對相信佢既CREW係唔會做呢D野, 因為比人捉到, 唔係呢間船公司,係全世界既CRUISE公司都唔會再請佢,所以一定唔會冒呢個險. 而船上既SECO亦都睇過CCTV,係冇其他人,NON-STAFF 入過佢間房. (送早餐, 執房D 唔計)
個高尚既香港女人同個老公就係度發爛渣,之後, 佢要香港警察同船上拎CCTV做証, 佢唔信船上既SECO,又話乜野証明都冇用,佢係信唔過船上D人. 做船代理同翻譯既我,聽到呢到已經忍唔住笑!!
之後個沙展拉埋我一邊講:師兄. 事件發生既事間係公海,我地做到乜野喎"
之後我就同個沙展講"呀SIR 放心, 去到呢度, 我已經知道知女人想點,想REFUND 同抓爛腳者"
之後我拉埋個STAFF CAPT 去同佢講, 個女人意圖, 佢之後明白晒, 但船公唔會有呢D補償, 之後我同STAFF CAPT講, 等陣睇我表演啦.
過左幾分鐘,我同CAPT,STAFF CAPT, HOTEL DIR, 講晒個女人既意圖後,佢地明白晒.
以因為有下一批客人準備上船,所以我會盡快令佢落船.
之後我就同果位報警既香港女仕講:
第一,我唔係旅行社, 我地唔會有退款給你的可能,所以麻煩你去你先去報名的旅行社度攪吧.
第二,因為呢隻船既注冊國係意大利,所以, 如果你想要CCTV做証據, 麻煩你先飛去意大利報案,或者去義大利駐香港總領事館,但果度回答你既答案都同我差不多.
當意大利既警方要求我地船公司交出有關既CCTV時, 我地絕對會協助,之後果個女人就罵我,你幫人地都唔幫我,你係唔係香港人來架?? 我就當然冇再回應佢,之後, 個幾位呀SIR,亦都同果位香港女仕講,因為案件發生地點於公海,而船注冊國亦不是香港,所以我地可以協助你既野唔多,或者你好似呢位先生(我) 所講咁去左意大行報警先啦.
之後個女人冇晒講,口中唸唸有詞, 我就借勢叫HOTELDIRECTOR 既STAFF 送客趕果兩條友落船.
最後,我同果幾個呀SIR一齊離船番碼頭,一路唔該晒我, 一路笑果兩條友.