• 瀏覽: 42,013
  • 回覆: 246
  • 追帖: 2
  • 分享: 83
+3




每 1 代小朋友,總有代表他們的玩具。好像四驅車是「80 後」在孩提時代的代表玩具,而爆旋陀螺在「00 後」和「10 後」心目中,應該也是極具代表性的玩具之一。過去為了提升四驅車速度和穩定性,「80 後」玩家可能也曾以天價購買各式各樣的配件。現今世代的小孩,亦捨得花費購買各式各樣的爆旋陀螺和配件,提升陀螺的作戰能力,甚至願意以 HK$95 的價格,購買看似不值錢的半透明膠圈配件。

事源有網民在「80s 人和事」Facebook 群組內發言,表示其兒子在商場的爆旋陀螺宣傳活動中,以 HK$95 購買了 1 款紅色的半透明膠圈配件。他覺得配件不值此價錢,便喝斥兒子,認為兒子「執到錢都唔係咁駛」。

從發文回應中,可見原來眾多已為人父親的網民,也有類似的經歷。相關膠圈配件看似價值不到近 HK$100,但原來全部同類型的膠圈配件,均屬於日本雜誌或爆旋陀螺官方活動所送贈的非賣品。單是相關雜誌的售價,已高達 950 日元(折合約 HK$66.9)。

若以水貨雜誌來港普遍以「10 算」的方式計算,該紅色半透明膠圈配件售 HK$95 確是合理。與此同時,該紅色半透明膠圈配件也不是最貴的非賣品配件,另有 1 款黃色半透明膠圈配件,在日本 Amazon 的售價高達 3,800 日元(HK$267.4)。最貴的款色是金色膠圈配件,售價更高達 9,700 日元(HK$682.5)!


網民意見
  • 網民 A:我好明白樓主心情......Day 1 我個仔為咗個圈要買本雜誌,我同佢交換條件,阿仔又做到就買啦。我見到個盒,心諗百幾蚊連書就算唔係成隻陀螺,係個限定面或者底都 OK 啦。當阿仔好開心攞個膠圈出嚟,我眼都凸埋,第 1 個反應係「我工廠做件咁嘅嘢都唔駛兩毫子......」。
  • 網民 B:呢個膠圈小事啦,我個仔約咗我阿媽去買陀螺,買完陀螺返嚟我問「個陀螺幾多錢?」,我個仔答我「900 蚊」,我心諗係咪痴_咗線呀呢!呢啲基本裝備嚟㗎啦,總之佢哋玩陀螺嚟講!最慘係逢過時過節,我或者我啲朋友買生日禮物畀我個仔,所買嘅所有陀螺款式原來佢都有齊。咁先最大鑊呀!我統計過買陀螺計埋重複嗰啲冇一萬都有幾千呀!
  • 網民 C:價值觀問題,正當如我望住人地拎幾千蚊買高達買波鞋,我都覺得痴鬼線,但用家覺得值,唯有想辦法俾小朋友親身感受知道錢難搵!
  • 網民 D:最緊要個仔鍾意,最緊要個仔開心冇所謂啦
  • 網民 E:我細個時玩汽槍!買個 O Ring 改槍都成舊水!講緊 20 幾年前!原來嗰野本身值幾過毫子!
  • 網民 F:講到尾.....咁你又買?好多野個價值都唔值呢個價,你去街市買菜十蚊斤,你夠可以話自己種只係幾蚊?對小朋友一係買一係唔買,買咗又要同佢講係街見到都唔執有咩意思呢?
  • 網民 G:都叫做有一樣物件,好過個仔上網打機,幾千蚊抽 1 件裝備返嚟!
  • 網民 H:錢就已經使左,到底係一開口就淨係鬧,鬧到佢淨係識驚,定係借此教佢學識咩為之值得,引導佢學識分析其中價值,甚至激勵佢為得到更好玩具而付出努力呢!呢位老豆,化心痛為啓發啦!你依家幾肉痛,都追唔返啲錢架喇!大好教仔機會,唔好浪費成責罵聲,空餘恨呀!
  • 網民 I:娛樂既野不嬲都係用錢滿足心靈,你個仔開心已經係值錢嘅地方,下下要你覺得值先准買,不如你就唔好比人自己買自己鍾意嘅嘢,扯線公仔定你個仔!








捉到晒人嘅心理
唔劏你班友重劏邊個丫!!

新聞來源連結:
https://ezone.ulifestyle.com.hk/article/2300342/HK$95 買爆旋陀螺半透明膠圈被爸爸鬧!網民:成本唔駛兩毫子



算啦!貴係貴咗啲!咁諗吓以前為咗買搖搖冇食幾多餐飯!為咗抽到個金至尊搖搖日日啲零用剩係用嚟飲汽水!


Condom百幾兩百蚊盒你又買?一亳子都唔值


認為成本只是兩毫子可以自己做試試


[隱藏]
提示: 作者被禁止或刪除 內容自動屏蔽
HK$95



而家D日本野真係得個"貴"字.


都係玩四驅車 平D


一個願打, 一個願捱, 講乜撚唧,
想精明, 平夾抵, 淘寶應該幾蚊包郵添,
點解咁撚懶唔上網去淘呢
D女人名牌袋成本夠只係一百幾十,
點解幾萬蚊都爭住買呢,  
ON9爸爸



[隱藏]
宣傳技倆同人講成本? 你唔好同我講你呢世無買過限量既野囉

唔係不良嗜好 年中一次半次可以接受拉



成百銀賣件咁野, 又真係幾蠢喎???


你唔做?


其實爆旋陀螺都係90後代表玩具,估唔到可以hit足咁多年


一千幾百一件玩具....有幾蚊先?依家啲老豆以前冇玩過四驅車咩?金錢重要定係快樂重要?


[隱藏]
價值觀問題。。
成人玩具比較,你覺得 20萬買架二手平治 or 20萬買隻勞,邊樣值得???
根本沒有標準答案。。
但我覺得,童年回憶係無價架,係能力範圍內咪當獎勵下小朋友囉,唔係所有事情都要用金錢來衡量的。。🥰🥰🥰



鍵盤翻頁
左右
[按此隱藏 Google 建議的相符內容]