• 瀏覽: 1,303
  • 回覆: 6
https://nextplus.nextmedia.com/a ... gmbodyAlsv89M7FmsEY



港鐵沙中線醜聞愈揭愈臭,林鄭都只係用口講話會嚴肅處理,運房局局長陳帆對於呢單臭到冤嘅醜聞,未有好似上場做官時去為事件「哽咽」一下,交唔足戲喎!梗係啦,唔通去打爛啲退休同僚嘅飯碗咩!

由政府揸住近75%股份嘅港鐵,入面董事局坐滿咗唔少退休高官,簡直喺退休高官俱樂部。年過六、七十歲,學得羅致光講咁「年青」,食長糧之餘每年仲可以袋番四、五十萬嘅袍金,又可以免費搭地鐵,你都咪話唔過癮!2017年度港鐵淨係派董事袍金,一年就派咗成千萬,錢就派咗喇,監察唔到啲乜噃!原來孭住「前度」高官個銜頭,做吓港鐵獨立非執董,真係咁鬼過癮嘅,好似前度消委會主席陳黃穗,今年都73歲囉,2017年攞番40萬袍金,前度運輸署副署長陳阮德徽,今年有70歲,每年又攞番50萬董事袍金,前度審計署署長鄧國斌,今年68歲又有40萬,最後生嗰位退休高官,喺65歲嘅前度庫務處處長李李嘉麗又攞50萬,呢班獨董袋嘅袍金較2016年每人仲多咗十萬。唔好以為淨係退休高官有錢攞呀,由政府委任嘅高官坐落去港鐵雖然都係「份內事」但都有錢攞㗎,運輸及房屋局局長陳帆,發展局常任秘書及運輸署署長各人每年都收40萬袍金。

怪唔之得林鄭同陳帆對港鐵醜聞咁忍口,作為公務員,又點會做衰人打爛自己友嘅退休飯碗呢?

撰文:宗菁華

香港原來有個廢柴俱樂部!!!
有得食有得拎!!
有事又唔洗負責!!!



全部自己友


唔怪得投訴距地時證據確鑿都可以死口話無啦。


毒果


[隱藏]
提示: 作者被禁止或刪除 內容自動屏蔽
引用:
原帖由 蘋果轉貼員 於 2019-3-19 06:53 發表
https://nextplus.nextmedia.com/article/2_655436_0?fbclid=IwAR2gxr2DCeOIQP68tofRCTEgfi1gKJ8wyjDmVcA_gmbodyAlsv89M7FmsEY



港鐵沙中線醜聞愈揭愈臭,林鄭都只係用口講話會嚴肅處理,運房局局長陳帆對於呢單臭到冤嘅醜聞,未有好似上場做官時去為事件「哽咽」一下,交唔足戲喎!梗係啦,唔通 ...
兩鐵合併,繼承九鐵傳統文化啫



引用:
原帖由 蘋果轉貼員 於 2019-3-19 06:53 AM 發表
https://nextplus.nextmedia.com/article/2_655436_0?fbclid=IwAR2gxr2DCeOIQP68tofRCTEgfi1gKJ8wyjDmVcA_gmbodyAlsv89M7FmsEY



港鐵沙中線醜聞愈揭愈臭,林鄭都只係用口講話會嚴肅處理,運房局局長陳帆對於呢單臭到冤嘅醜聞,未有好似上場做官時去為事件「哽咽」一下,交唔足戲喎!梗係啦,唔通 ...
政府一向有個退休俱樂部,把退休高級公務員請返,contract 列明不可向外界透露過去的所有政府資訊......

王 X 平同林 x 英太多口,咪出這招



[按此隱藏 Google 建議的相符內容]