• 瀏覽: 1,380
咁前日開開心心一家大細去旅行,依家都算旅行旺季,機場就自然多人搭飛機,咁入禁區前有個地方就check登機證,咁冇問題好正常啦。
  咁人龍都幾長,不過我地預早左黎,咁就照排隊,突然間後面有個後生少少既女仔,應該十五六歲行上前面。排左係一個阿叔隔離,原來個阿叔又唔係搭飛機,只係提前幫個女仔排隊,咁一個半個由佢啦,但之後愈來愈過份喎,佢啲咩姨媽姑姐黎曬,成六七個人打尖喎,咁過份,咁前面檢查緊登機證既保安就睇唔過眼,叫佢地後加入既重新排隊。
   打尖既人話'喂,我地有一個人排先喎,排左好耐點解要再排`跟住係到大聲喧囂啦,突然間有個著西裝,應該係機場保安啲高層行埋黎問咩事,咁後面都有其他旅客話佢地打尖,咁我以為著西裝個高層應該都係叫佢地再排隊。
   點知。。個高層叫佢地行咩禮遇通道,話快啲入,當冇件事,咁得啦,原來打尖都冇問題,唔洗排隊架啦。



[按此隱藏 Google 建議的相符內容]