政府玩緊咩?以林鄭所講,俾個希望大眾,十四年後就能解決問題,大家對於呢個希望,有何感覺?
其實,最穩妥之方案,就是多個覓地方案都一齊做,無分先後,大家就會心服口服啦!但,方案只拋出一個,就是填海;林鄭是聰明人,會想不到這樣會引來敵人輕易攻擊嗎?以一個由小到大都考第一既A級人馬,怎會想出一個咁樣既方案,究竟甚麼葫蘆賣緊甚麼藥?
以我看來,呢場大戲,跟本係一場爭貨博弈,只係呢場博弈的貨物,唔係股,唔係錢,而係地。
以林鄭報告後,各方的反應,我歸納了幾個事實:
1. 地產商對政府果一萬億,好有興趣;即有一間公司,有好多現金,各方都想將現金據為己有。
2. 政府要地要左好耐,地產商不嬲吊高賣;即公司有用好多股填數,填極都唔夠,但場外股價卻抽高到非常不合理。
3. 古洞一塊地都收唔到,因幾百一尺成本既棕地,地產商/鄉親MARK高數十倍,都唔肯賣!
4. 沒有了十幾年填海,政府已餓地已久,所有建屋土地資源已屯積在在地產商及新界鄉親,即貨源已歸邊,等一有人要貨,就可以抽高幾十倍賣
試問以上咁既情況,就算你有好多好多既錢,人地睇死你要貨,擺明趁火打刧,幾多錢都會被掏走,明明一百幾十既棕地,你會用超高價幾千上萬同人買貨嗎?如果政府真係用幾千一尺向地產商屈服,最後只會被人話利益輸送吧!肥了地產商,輸了納稅人金錢。
林鄭,或背後智襄團,就將形勢改變了,有以下分忻:
1. 原本填海一千公頃,加到一千七百公頃,同一間公司印新股一樣,令貨源歸邊情況扭轉
2. 土地於中環核心地段,又近機場,所以此新股不是普通股咁普通,可以說是優先股
3. 但土地+起樓要十幾年後才有,散戶搶地壓力仍大,所以短期要舒緩需求,於是林鄭有另一招:釋放工廈資源,以免補地價吸引工廈業主改為住宅
4. 工廈業主都識計數,回報是非常吸引,更改成本其實也很低,估計八至九成業主,即一百幾十橦工廈,都願意改變用途,提供一萬八千個四人單位
5. 短期少左散戶搶貨,政府就冇咁大壓力搵地填數
6. 情況扭轉,地產商意想到手上大量棕地(屯地約930公頃),大有可能擺多幾十年都唔會有人買,於是就會降價出貨,價格自然會跌
7. 政府再派人收地,自然可以傾到好價錢,水到渠成
但香港地產做了奸商多年,又點會是善男信女,此局已佈了近廿年,屯地約930公頃,一早知政府想破局,點會唔預備反擊?地產最近反擊有以下招數:
1. 拖冧填海造地計劃,因填海不能去馬,或大機會下馬,談收地就可以企硬唔減價
2. 以中共廿幾年前想拖冧新機場計劃一樣,用大花筒倒錢落海為由,說填海是很差的投資
3. 以先後次序為由,點解唔做呢個先,做呢個後
4. 以選址為由,點解要選呢樹,唔選大西北,唔選大東北...
5. 以政府工程普遍執行力低為由,說填海一定會超資,做成香港無底深潭
6. 以工程常批給中資為由,說成大陸好缺錢,要用庫房填數
用以往渠道,網軍,親傳媒,電台,反對派傻撚,立局袋住先議員,民調學者,日日夜夜開咪,話填海最終會令香港陸沉,但他們反擊手法大楊了,暴露了弱點:
1. 反擊於當日就出現,圖片,BANNER,新聞稿也預備好,似乎早有準備
2. 他們怕政府唔明佢地想點,提出先棕後藍綠,此地無銀
3. 他們用盡所有渠道,whatsapp,facebook,報紙,高登/跌吉,跟以住反高鐵反東北一樣
4. 作大,陰謀,陸沉都講埋,但就偏離了理性,像傻仔對空氣大叫一樣
5. 被人反問點解要高價收地,有沒有官商勾結之厭,就無聲了
地產商原本想住一萬億袋袋平安,現在除時化為烏有,我估個心痛到難以形容!