• 瀏覽: 19,717
  • 回覆: 114
  • 分享: 3
+4




北角昨午發生恐怖大車禍,一輛保母車在長康街斜路停泊後,司機疑未拉好手掣下車,保母車在無人駕駛下失控溜前,司機跑前擋車不果,捲入車底拖行輾過,保母車續俯衝逾百米,橫越英皇道剷入熙和街,街上的途人及小販遭狂撞至橫七豎八,有人被捲入車底及壓在輪下,在短短廿三秒釀成四死十一傷,死者俱為長者,另四名傷者亦命懸一線。車禍懷疑涉及司機疏忽,警方會循是否無拉好手掣及手掣機件性能有問題方向調查,不排除會將司機拘捕。

肇事保母車是十九座屬棍波車,司機姓吳(六十二歲),昨晨七時開工,早上十一時駕駛第二轉車,接送清華街蘇浙小學暨幼兒幼稚園的學童返學。至下午一時許,吳完成工作後,將保母車停泊在長康街近堡壘街的斜路準備交更。據途經車輛的「車Cam」錄影,吳落車隨手關上車門,正步向車前之際,保母車突然向前溜動,他急忙走到車前用身體阻擋,但不成功,一秒後被推撞捲入車底。

吳隨即被壓在車底拖行約廿米後遭輾過重創,保母車仍沿長康街溜前,擦撞一輛由堡壘街右轉的士,再剷上行人路,撞向一間酒樓外牆,然後反彈回馬路碰及另一輛的士,保母車更加快衝出英皇道來回線,剛巧交通燈為紅燈,無殃及途經車輛,惟剷上行人路,直剷入熙和街內釀成車禍,保母車全程俯衝逾百米,歷時廿三秒。

熙和街屬私家街,較少車輛出入,路旁有小販擺檔,鄰近有參茸行、生果店及洗衣店,有不少途人經過和購物。當保母車衝入時,多名途人及兩名男女小販被撞倒,其中三男女被捲入車底,右後輪壓着一人,車後有三人躺臥血泊,距離車後約五米,婦人何玉珍(八十歲)被撞至癱臥路旁,其後證實當場死亡,對開亦有一名女傷者俯伏紙皮上,奄奄一息,現場一片混亂,雜物散滿地上,途人驚呼,其中何婦的印傭嚇至痛哭失聲。

消防處派出八十二名消防員及救護員救援,消防坍塌搜救專隊亦奉召參與,用工具將保母車升起,花約廿分鐘將被困傷者救出,證實除一人死亡,現場另有十四名傷者,分別廿二至八十九歲,包括倒臥長康街的保母車司機,其頭、頸及背部受傷,救護車將傷者分送東區醫院及律敦治醫院救治。至傍晚時分,當中兩男一女不治,司機及另三傷者危殆、兩人嚴重、三人穩定及兩人已出院。

警方封鎖一段長康街及熙和街現場調查,並一度將英皇道來回線封閉。肇事保母車無安裝「車Cam」,停車位置斜度約為八度,警方指現場不是交通黑點,警方會循司機是否無拉好手掣及手掣機件性能有問題方向調查。由於司機在深切治療部搶救中,未能錄取口供,但會待其情況許可作出拘捕。





意外真係一宗都嫌多...希望各駕駛人士要非常小心

新聞來源連結:
http://orientaldaily.on.cc/cnt/news/20181211/00174_001.html



司機疑未拉好手掣下車,真係咁。


RIP
引用:
原帖由 JoeSenior123 於 2018-12-11 09:00 AM 發表






北角昨午發生恐怖大車禍,一輛保母車在長康街斜路停泊後,司機疑未拉好手掣下車,保母車在無人駕駛下失控溜前,司機跑前擋車不果,捲入車底拖行輾過,保母車續俯衝逾百米,橫越英皇道剷入熙和街,街上的途人及小販遭狂撞至橫七豎八,有人被捲入車底及壓在輪下, ...



RIP


呢單野唔知點判. 
一次梳忽, 犯下離天大錯. 



[隱藏]
司機拉手摯同埋輪胎要打斜,發現車溜前,用個身體去擋真係沖動而無用,隔離有架的士,應該擋在校巴前來減低傷亡。


老實講啦, 衣我個人意見,司機有拉手掣,應該有, 係拉左2格,拉吾盡, 慣左平路停車係咁倚拉一拉, 斜路吾拉盡會溜前/溜後。
經驗之談, 小弟架棍仔就係咁, 手掣又鬆鬆地, 平時燈位停車係咁倚拉一拉麻,車房師父仔話, 炆得太狠會扯傷條鍊,叫我吾好拉咁大力, 往往斜路實溜前/後,個下先大力d,相信今次司機以為拉到左,就咁落車。 (ps架棍仔我渣左6年)

以上之本人意見,不喜勿小



R.I.P


如果司機未拉好手掣, 點解架車唔即時行, 要落車關門等2秒先行, 求高人解答


提示: 作者被禁止或刪除 內容自動屏蔽
[隱藏]
揸車真的要有經驗,否則,後果不堪設想


引用:
原帖由 西出水 於 2018-12-11 09:53 AM 發表
如果司機未拉好手掣, 點解架車唔即時行, 要落車關門等2秒先行, 求高人解答
拉得唔緊再大力閂門震鬆咗



個人覺得應該有拉手制,但拉唔夠同埋無入後波停車


RIP


場面慘不忍睹


[隱藏]
引用:
原帖由 sondog 於 2018-12-11 09:46 AM 發表
老實講啦, 衣我個人意見,司機有拉手掣,應該有, 係拉左2格,拉吾盡, 慣左平路停車係咁倚拉一拉, 斜路吾拉盡會溜前/溜後。
經驗之談, 小弟架棍仔就係咁, 手掣又鬆鬆地, 平時燈位停車係咁倚拉一拉麻,車房師父仔話, 炆得太狠會扯傷條鍊,叫我吾好拉咁大力, 往往斜路實溜前/後,個下先大力d,相信今次司機以為拉到左,就咁落車。 (ps架棍仔我渣左6年)

以上之本人意見,不喜勿小 ...
沒有幾多格之分,只有拉得夠唔夠力去掣動,但好多一拉到頂手就算。



主題標籤 #消防處
鍵盤翻頁
左右
[按此隱藏 Google 建議的相符內容]