我老公補兩隻牙,到車好,開始搽藥水,個醫生盞手術燈因為地心吸力而向下滑,照唔到我老公個口,我之前做過幾年牙醫護士,我只係想幫醫生照好d,所以我hand hand力幫佢將盞燈推上小小,就係咁多,跟着個牙醫就即刻破口大罵我,話我“你係咪傻㗎,你搞我d嘢?”好惡講咗兩次,我唔夠膽反駁佢,因為我知道我老公喺病床上面整緊牙,我唔想影響度,所以我同佢講咗聲“唔好意思”,但係我心底入面覺得佢極之過份,如果佢唔鍾意我搞佢嘅嘢,佢只要好好講一聲,我唔會再搞佢d嘢,加上只係將盞燈移上小小,跟本係講唔上個搞字,我只係想個醫生睇得清楚d幫我老公整得好d,佢真係唔需要咁樣鬧人,呢個醫生嘅態度真係好惡劣,好過份。
唔知道可唔可以開名?我一肚火
(嗰位醫生鬧我嘅完整版本係:(高聲)"你係咪傻架!你係咪傻架!你係咪傻架!(超高聲)你搞我啲嘢?"跟住我唯有講唔好意思,佢真係好似想食咗我咁架,第一我嘅出發點係想幫大家(包括我老公),而唔係搞佢啲嘢,第二就算真係我錯,佢咁大聲喝罵係好有問題,第三呢到d人話我會影響到佢做嘢同後果呢d係多餘,都係小事化大搵黎講,我總唔信盞燈一直照下巴,同俾我1秒移上隻牙到會好囉,唔通一直睇唔清楚會更好?我地作為一個普通人都唔應該咁樣隨便鬧人,更何況佢係一位醫生,佢應該禮貌同我講一聲"唔好掂"就已經可以解決啦,大家仔細諗下係邊個有問題啦!!)
[ 本帖最後由 粉紅寂寞 於 2019-2-19 02:11 PM 編輯 ]