• 瀏覽: 1,234
  • 回覆: 6



今屆立法會因宣誓風波而出現多個議席空缺,其中時任香港眾志主席羅冠聰被取消議員資格(DQ),而時任常委周庭參加今年3月立法會補選時,又因主張民主自決而被取消參選資格。不過,多名眾志新舊成員已經借助在補選勝出嘅民主派區諾軒,「借屍還魂」重返立法會工作,每月合共嘅薪金都唔少,到底佢哋每月要花幾多公帑呢?
區諾軒喺今年3月立法會香港島補選中,以「Plan B」姿態代替被DQ嘅周庭出戰並成功當選,而選舉期間,眾志都出力助選,所以之後都順利成章成為區諾軒嘅議員助理(議助),可以喺立法會大樓內自由遊走,包括多名眾志嘅現任或前任領導層。
區當選後可以向立法會秘書處申領辦事處營運開支,當中包括職員薪酬等開支。由區嘅申領可見,佢早喺今年3月21日聘請周庭,而喺今年4月1日則以邀請方式聘請羅冠聰,連眾志秘書長黃之鋒及已退出眾志嘅前副主席袁嘉蔚都有份。另外,知名度唔高嘅眾志常委梁延豐、副秘書長陳珏軒及前副秘書長郭熙堯亦都獲區垂青。
7名與眾志有關係嘅議助之中,以短暫出任立法會議員嘅羅冠聰月薪最高,以2.2萬港元獲聘任全職政策顧問;陳珏軒則以1.6萬港元月薪出任全職政策研究員。而袁嘉蔚就以1.4萬港元出任全職社區幹事;梁延豐及郭熙堯就同樣以1.4萬港元,分別獲聘為全職媒體主任和全職研究及行政助理。
至於黃之鋒同周庭就以兼職身份幫助區諾軒,分別以月薪5000港元出任兼職社區幹事及兼職政策研究員。計計埋埋,區諾軒每月就花上9萬港元公帑畀上述7名眾志現任或前任領導層,仲未計算其他普通眾志成員嘅議助薪金,即單是議助薪酬,預計每年花愈百萬港元公帑。
另外,前學聯副秘書長岑敖暉早就擔任議員朱凱廸嘅研究幹事,但當時月薪連8000港元都冇,但現時佢已經加人工去到1.3萬港元喇。而今年立法會九龍西補選落敗嘅前議員姚松炎,亦都喺今年5月起獲朱凱廸聘請出任研究幹事,但月薪就只得1萬港元,同以前做議員月薪逾9.6萬港元,真係蚊髀同牛髀。不過,姚在選舉中以「朱凱廸模式」參選,而朱被指要對姚落敗負上一定責任,唔知佢請姚做研究,係咪為咗補償呢?



年花愈百萬港元公帑...養班人...
姚松炎月薪1萬港元...以前做議員月薪逾9.6萬港元...
羅冠聰2.2萬港元...
陳珏軒1.6萬港元
袁嘉蔚1.4萬港元
梁延豐及郭熙堯1.4萬港元
黃之鋒及周庭5000港元...

新聞來源連結:
http://hk.on.cc/hk/bkn/cnt/news/20180811/bkn-20180811203444094-0811_00822_001.html



養成班廢人


借屍還魂。


突狩不知所謂 !
選舉主任把關不力 !



[隱藏]
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
引用:
原帖由 pugbb 於 2018-8-12 07:03 AM 發表



今屆立法會因宣誓風波而出現多個議席空缺,其中時任香港眾志主席羅冠聰被取消議員資格(DQ),而時任常委周庭參加今年3月立法會補選時,又因主張民主自決而被取消參選資格。不過,多名眾志新舊成員已經借助在補選勝出嘅民主派區諾軒,「借屍還魂」重返立法會工作,每月合共嘅薪金都唔少,到底佢哋每月要花幾多公帑呢?
區諾軒喺今年3月立法會香港島補選中,以「Plan B」姿態代替被DQ嘅周庭出戰並成功當選,而 ...
以為人賤點知人工仲賤, 可悲



[按此隱藏 Google 建議的相符內容]