其實起度吹水邊個贏輸冇意思
逐個分析有咩影響仲好啦
北韓:外交上做左友善既態度,換黎既會係放寬制裁,對國家經濟肯定會有利。雖然講無核化,但北韓已經成功研製,肯定冇可能全數銷毀,象徵式廢棄工場,唔再研發,國際已經收貨。就算美國有人黎監察,一樣唔會全部睇得哂
美國:朝鮮向美示好,可以令美國重心重返中東,繼續遊走戰爭同石油生意。但同時過於和平局面,不利武器出口至日韓台,所以侵侵一方面同肥仔握手,另一方面都會繼續出口術製造緊張局面。同上任後對待中國一樣,一緊一鬆。
南韓:朝鮮同韓國正常關係可以大大凝聚政府管治力度,可以高民望地專心處理過去十年一直冇民望搞既民生經濟問題
中國:角色上明顯以長兄身份控制肥仔,肥仔亦願意拜主席做大佬。朝鮮走向開放經濟係必然既事,中國肯定比美國更早食到頭啖湯。亦都確保朝鮮作為中國同美軍之間既緩衝區
日本:唔使再驚飛彈又飛過北海道,諗極都唔知打唔打落黎好了