蛙兄,既然你咁有雅興,帶你去井口睇下,你咁有理性邏輯,實清楚明白香港係特別行政區,係中國入面其中一點,唔係你所講乜野形勢唔形勢喔!記住你想做駝鳥、弱智、天才都好,最基本你要接受這個事實先!你覺得好唔憤氣?好想成為清泉喔?得,你要努力,有得揀嘅,含大啖D,出盡力, 一口氣跳去其它國家嘅井由零開始,會係一個比較容易嘅方法!
未有咁快跳到去其它國家嘅井度,得閒咪就跳去自己個井口度睇下,再唔係咪留係井底度度度,睇下諗唔諗到做政治班人實實在在為嘅只係一份工,有部份人選嘅時候可能仲係清泉,開頭果幾個月可能都幾熱血,但耐左咪又係睇住份糧,成舊錢喎,份工又過癮,可以鬧下人,悶就睇下AV,揾D女仔搶下手機,拍下枱打下beat,幾容易一日喔,想take個break又可以叫主席數下人,邊有份工爽成咁先得?玩到咁上下,仲唔駛行出去,叫保安抬走先型!有乜辦法唔千方百計諗下點樣可以永續尊貴會籍,不過唔話得人㗎,無得羨慕喎,揾食啫,犯法喔,保住個飯碗至緊要!你諗下如果立法會班人D人全部人工得$8,000,我諗民主黨,民建聯…即刻宣布解散…唔解散班人就自動退黨,留返落黎就睇下邊個唔好彩,抽生死簽去做!
人工高,褔利好,讀完書出黎揾乜做?唔駛諗都知揾機會入立法會最直接,點都易過中六合彩!想入立法會,有劇本㗎,無經驗、無背景果班咪激進D,見到隔離個蛋散去到咁盡,唔L得一定要再狼D再狠D,有記者到場就大聲D鬧下差佬,高舉對手碰撞下,唔係點上鏡喔。再揾機會揾道閘衝下,打爛道玻璃門,唔好彩咪叫齊記者,高調入去監倉度坐幾個禮拜,,不過確保有電視上先好出盡力!
你講嘅工程沙中線,西九咁,唔合心水,大白象,就揾唔同理由去阻攔去拖,大佬次次要十全十美喎,一座大廈咁,要換升降機,住地下個批話我唔搭Lift喎,一樓話我行樓梯都得㗎,咁夾死都未換到喇!
蛙兄,你返去井度諗下喇!政治,一場戲黎啫!