多謝樓主認真收集,已收藏此帖!
不過,即使佔中係美國「主辦」,佔中市民都可以話:美國幫我地實現「民主」,所以無錯!
但問題係,「民主」有佢嘅缺點,而且事實上美國只係兩黨專政,英國亦唔係真正民主﹙起碼首相已經唔係一人一票﹚。
「民主」呢兩個字其實唔係好事,但就算建制派甚至梁振英,都唔咁講「民主會害死香港」!事關要分清「以民為主」同「少數服從式/人多蝦人少式民主」,亦即民主派所爭取嘅,係兩種完全不同嘅民主概念。
佔中時學生爭取嘅「公民提名」,更加係萬萬不要得嘅制度,但點解佢地併死爭取,但建制派同梁振英又無乜人出嚟講「公民提名」會點害死香港?
不過呢啲事,市民都可以慢慢理解,或者,就好似上面有師兄講嘅:當香港人交嘅政治課學費吧!
希望美國可以同中國改善關係,唔好玩香港,毒果同民主派少啲煽動,偏激嘅學生同有燥狂症嘅市民,唔會再衝動地去做啲唔理性嘅行為。