其實想靠香港的官僚推動創科，根本哂氣，第一，呢班官，從來自己都吾知咩叫自主，向來都係主子叫佢做乜，佢就去做，從來無試過自己諗橋，更加無試過靠自己諗計來解決任何困難，佢只係安於做「一雙手」，咁既本性，如何成為「行家」，吾係行家，又點會知道邊個創業者係高人？而值得投資？
第二，呢班官從來最怕孭鑊，簡單講，就係不敢負責任，而家比一大筆資金佢，叫佢去投資，佢地既無膽色，又無開創精神，自己都無呢種特質，點樣決定投資比邊個？於是只能選擇最保守的方法，只要吾出鑊，有得交待就算了，你想佢有「慧眼」？我諗我地自己靠自己的天才，成功機會反而大啲。
第三，呢班官，向來的工作模式係，1. 先搵顧問公司（或者所謂專家）晒時間去研究，然後採用，而吾係班官憑自己的細心去思考。 2. 通常佢地諗吾到點做，第一時間就係去「考察」，以為抄外國果套返來就得，呢樣本身就己經吾係創意，自己都吾知乜係創意，如何推動創科？3. 佢地從來無大局觀，自己本身無定位，總之上級話要做，佢就做個差不多的野出來，至於有無實效，佢只能靠吹一堆數字來交差。4. 呢班官最重視流程制定，按本子辦事，於是先訂一堆不知所謂的條件，最慘係啲條件本身不切實際，然後又硬性執行。情況就似房署，佢先訂下一個入息標準來決定你的資格，但點知個標準原來與現實脫節。於是最後只能由一班無業者受惠。5. 呢班官根本吾知咩叫戰略，無戰略觀，因此，就吾知自己應該做乜，所以亦吾識如何布局，只能見人地做乜，佢又做下當交差。
所以，如果邊個想靠呢班官創業，我諗果個都吾方叻得去邊。
[ 本帖最後由 花寶多小強 於 2016-5-23 08:35 PM 編輯 ]
/https://www.discuss.com.hk/attachments/day_240421/20240421_30d974cab6c5fb0ba090LtRqsTEZkbwB.jpeg)
