• 瀏覽: 648
是咁的~我老婆係泰國人,我而家同佢攪緊受養人簽証居港,但由上年11月至今已經3個月啦,仲未比到個VISA我老婆,所以非常煩惱~!

情況係~我本身有間公屋,我自己名,租房署的,我月薪約15K,但我戶口無咩錢,基本上係個個月清,我老婆外家都係無錢~我日日返工成12個鍾佢就日日係屋企自己一個悶足12個鍾,我同佢溝通用英文,但我父母細佬同唔識英文(非同住),除我外無人同佢可以溝通到,所以佢都話悶到想死~我明白呢個係我娶泰國老婆要承擔既後果
我同我家人都從未拎過老綜,入境署CHECK好多野,我真係好想我老婆可以快D有VIAS出去做野,因為
1)佢唔駛日日咁悶,佢真係試過悶到自殺,我最最最擔心就係呢樣,我好怕我放工返到家見佢DIE左
2)可以幫輕家裡負擔,我份糧唔高,又要比老豆屋企,呢度屋企,燈油火蠟,柴米油鹽,衣食住行,個個月都度住度住~
3)佢可以快d融入hk社會,其實有泰國餐廳話請佢,只要佢有身份證就返得工

而家想問下呢度有無過來人可以有方法快d拎到visa
1)去宣誓永不拎老綜,不會增加社會負擔可行嗎?
2)轉拎工作visa可行嗎?
3)戶口是否一定要有3-5萬係度?因為我無,會有影響嗎?

謝謝~!



[按此隱藏 Google 建議的相符內容]