阿媽十月懷胎生你落黎,你估陀仔好舒服架?陀仔時荷爾蒙分泌既原因,有時會突然好開心,下一秒又會突然好失落;呢樣又唔食得果樣又唔食得;搭搭下巴士個B一腳伸落個膀胱到,真係尿都會標;陀係個肚到,連埋羊水成十幾磅重,唔好話行路,連訓覺都會覺得辛苦,只有打側訓。
到生果日啦,順產都還好,如果唔順產就更慘,係冇麻醉針既情況下做手術俾刀監生咁割,唔係為左仔女既意志,真係隨時暈低都似。
生完後,父母眠乾睡濕咁湊你,晚晚訓到半夜要起身餵奶,餵奶前又要陸奶樽同沖奶,飲完奶又要掃風,掃完風又要哄你訓,到你賴左屎尿又要即時幫你換片,你估佢地好舒服架?細時怕養唔大,大左又怕學壞,養兒一百歲,長休九十九。
辛辛苦苦養大左你啦,一個唔如意就自殺,知唔知父母會有幾傷心幾肝腸寸斷幾咁入心入肺?!如果係獨生子女,自己死左後,邊個照顧父母?唔通想自己父母七八十歲仲踩住張櫈去抹窗?仲棟住條柺杖同人迫巴士去買送?仲因老左冇記性而成日唔記得食藥?仲因佢地係屋企捽死而發臭先被鄰居發現報警?
你地想自殺前,先諗下自己父母係自己走左後會好淒涼架。。。。。。白頭人送黑頭人!父母咁辛苦生你出黎,你都唔好咁殘忍對佢地下話!
[ 本帖最後由 hkykh 於 2016-2-6 11:54 PM 編輯 ]