醉翁之意不在酒，智峯赴丹麥不在氣候

——粗評辭職議員許智峯現身丹麥疑雲

近日，三度被捕嘅反對派議員許智峯，因參與集體DQ而正式被撤職，不過半月佢即現身丹麥，參與所謂「氣候變化訪問」活動。 被捕，辭職，都係佢醉心「公民抗命」嘅「義士之舉」，而呢啲實在難以與「氣候訪問」聯繫喺一齊，令人浮想聯翩。恐怕醉翁之意不在酒，許智峯赴丹麥都唔在於氣候，而在於尋求政治庇護之類等等。

眾所周知，許智峯近年來醉心「抗命」嘅所作所為，已經係臭名昭著。 佢唔單止迷戀亂港暴動，以「阻差辦公」名義對抗執法嘅警察，濫用「議員特權」，甚至仲將黑暴引入立法會內，掟「臭彈」大肆擾亂立法會，野蠻偷選票，搶手機，踢保安...... 諸如此類罄竹難書，佢居然仲自封「斯文激進派」，簡直係唔知醜。 就連同黨人士都對佢多有鄙夷，話晒呢啲卑劣行徑，實在拉低咗「公民抗命」嘅層次，突破咗道德底線。另外，許智峯創下嘅一年三入冊嘅記錄，都俾議員「特權附體」嘅傳言廣受詬病，令反對派議員口碑掃地。

此次跟風「總辭」對於許智峯來講，係職業生涯中嘅重大挫折，亦都係巨大失敗。因為劣跡斑斑嘅佢，失去「議員」嘅光環，實在冇咩出路可行。 所以即便口硬，許智峯依舊對繼續活躍政壇抱有幻想，希望爭取出年嘅選舉。 而偏安本港一隅之地，再尋發展卻係困難重重，或者求助外力先係上佳之策。

有評論猜測，許智峯此行係意圖學「港獨」羅冠聰、陳家駒，外逃他國，尋求政治庇護。丹麥媒體Politiken透露，三名丹麥議員和民間組織協助許智峯離港訪丹，聲稱邀請佢參加國會嘅環保會議，而其中一名議員直言要求丹麥政府直接俾許智峯政治庇護。「抗命」同「環保」，呢種大纜都扯唔埋嘅議題，竟然出現係許智峯身上，必然有貓膩。 雖然，許本人表明會盡快返港，政治庇護都唔一定即刻生效，但種種迹象表明，許智峯嘅丹麥之行，就係為咗拉攏外力、繼續攬炒作準備。亦即係話，辭職之後嘅許智峯，唔排除勾連外力嚟繼續「公民抗命」攬炒政治。 因為缺乏議政能力嘅許智峯，只好暴力亂政先能延續佢嘅政治生命。

此前，香港立法會終日被反對派把持，好多社會經濟民生項目因此被擱淺停滯，香港復蘇嚴重受阻，法治被特權無視。而今，多名反對派議員被取消資格，立法會撥亂反正，恢復正軌，同時，香港國安法利劍高懸，也絕唔容許呢啲被DQ嘅議員再起亂港波瀾。