葡萄牙巨星C朗強勢登陸沙特阿拉伯球壇後，雷聲大雨點小，呢位37歲射手喺周五(27日)凌晨沙特超級盃4強上陣，表現仍然冇料到，更加錯失1次入波黃金機會，最終佢所效力球隊艾納斯1比3不敵伊蒂哈德，黯然出局。C朗為艾納斯踢2場正式賽事，冇入波亦冇助攻，估唔到一代球王竟然連亞洲賽事都踢唔掂。
 
艾納斯雖然有C朗助陣，但卻陷入劣勢，開波15分鐘已經被伊蒂哈德前鋒羅馬連奴射破大門，呢位巴西射手跟住貢獻1次助攻，伊蒂哈德上半場已經領先2球。換邊之後，艾納斯憑塔利斯卡入波，追至1比2，但踢到補時再次失守，輸1比3出局。
 
C朗全場最有威脅1次攻門係上半場近門頭槌勁頂，但被門將撲出，的確比較可惜，此外仲有1次主射罰球高出。
 
C朗加盟艾納斯之後，曾於表演賽為利雅得明星隊對巴黎聖日耳門一役梅開二度，但跟住踢2場正式賽事，分別上仗聯賽對伊蒂法克，以及今場超級盃對伊蒂哈德，即使踢足全場，但始終未能取得入球，仍未擺脫近大半年嘅低迷狀態，艾納斯將於2月3日晚出戰聯賽，希望C朗到時可以開齋啦。

https://hk.on.cc/hk/bkn/cnt/sport/20230127/bkn-20230127080048763-0127_00882_001.html
 
可惡既東方日報，究竟收左幾多錢？咁樣黎抹黑大眾偶像阿朗？

沙特娛樂部長圖爾基-謝赫上週日會見了C.朗，並為他戴上了利雅得全明星隊的隊長臂章。
謝赫接受採訪透露：「我和美斯、C.朗關係很好，但C.朗問了我一個難為情的問題，他說‘誰是世界最佳，我還是美斯？’」
 
「我告訴他既不是你也不是美斯，對我來說是馬勒當拿」。
 
https://soccer.sina.com.hk/news/1/20230118/6851652/
 
阿朗真係痴Q左線，想做史一想到走火入魔.......

曼聯踢走阿朗之後，各項賽事7連勝。葡萄牙唔出佢大炒瑞士6:1。反差實在太大，點解到而家仲有人死撐阿朗，仲要企圖將責任推落其他球員身上？

成日吊拉舒福果班，特別係自認真曼迷嘅，可唔可以解釋下，點解你可以接受阿朗浪費機會，但就要對福頭咁苛刻？

葡萄牙巨星C朗以天價1.73億鎊年薪，高調加盟沙特阿拉伯球隊艾納斯，但幾時可以上演首戰，卻成為疑問，繼需要坐2場「跨聯賽」波監之後，又出現另一個問題，原來艾納斯已用盡外援名額，C朗唔可以註冊，除非球會出售或解僱其中1位外援，騰出位置畀C朗，否則佢冇得上陣。
 
C朗上季因打爛愛華頓小球迷電話，被英足總判罰停賽2場嘅處分要喺沙特執行，艾納斯未來2場聯賽都唔使預佢。
 
原本C朗可於香港時間1月23號凌晨踢首場沙特聯賽，主場對伊蒂法克，但依家又節外生枝，艾納斯內部人士向外媒爆料，指球隊已用盡8個外援名額，所以仲未為C朗註冊，必須同其中1位外援解約，C朗先至能夠註冊，成為艾納斯正式球員。
 
艾納斯陣中8位已註冊外援，包括喀麥隆前鋒阿布巴卡、巴西前鋒塔利斯卡、巴西中場路爾斯古斯達禾、阿根廷中場比堤馬天尼斯、烏茲別克中場馬沙拉普夫、科特迪瓦後衞基斯蘭恩高蘭、西班牙後衞艾華路干沙利斯、哥倫比亞門將奧斯賓拿。
 
當中最大機會被「犧牲」嘅外援應該係馬沙拉普夫，佢今季聯賽僅上陣1場。值得一提，早前傳出馬沙拉普夫拒絕讓出7號球衣畀C朗，而面臨被解僱，雖然會方澄清，指馬沙拉普夫早已答應改着77號，但以目前情況睇，恐怕馬沙拉普夫都係難逃被C朗「逼走」嘅厄運。