此用戶被列入你的黑名單
十二月田猛臣 | VIP
粉絲
14
粉絲
0
追蹤 最新成就
風頭躉
雞精帖王
喪𥄫
狂𥄫
勁𥄫
風頭躉
受到10位會員追蹤
已達成會員: 18826人
達成日期: 2022-03-17
雞精帖王
帖子得到10位會員訂閱
已達成會員: 21920人
達成日期: 2018-02-18
喪𥄫
瀏覽1000條帖子
已達成會員: 197974人
達成日期: 2017-07-29
狂𥄫
瀏覽500條帖子
已達成會員: 268439人
達成日期: 2017-07-11
勁𥄫
瀏覽10條帖子
已達成會員: 957153人
達成日期: 2017-06-22
基本資料
UID
4518886
帖子
5551
精華
0
積分
5394
金幣
7719
閱讀權限
60
在線時間
8423 小時
註冊日期
2011-5-5
上次訪問
2024-3-29 10:51
前言/廢話︰隨住上一場聯賽擊敗流浪,深水埗總算係23~24球季聯賽錄到首勝,不過再下一輪聯賽就要對傑志!對傑志就當然無咁易踢,贏就唔敢諗,不過如果可以有上次對流浪嘅水平,和都唔係完全無機!
. 門票︰正價100蚊,可能因為對手係傑志,所以加咗價。而中佬本身係「成人通行證」季票會員,主場港超比賽已包在內,所以今場波不受影響。 上半場︰ 開波公佈陣容,深水埗呢一場都可以講係全季最齊人一場,對流浪無落場嘅馬高域兄弟,蘇沙等都正選上陣。而對流浪之時連中三元嘅尼高拉斯反而先任後備,手傑志應該都係「夫添」上陣,除咗恩查同保羅兩位傷兵之外! 開波之後傑志當然係佔主導,不過今日傑志又無刻意去加快個節奏,但交戰之後好明顯深水埗好難可以「造」個波上前場,雖然蘇沙在陣明顯可以加強個控球能力,不過傑志中場三位大將支持下,中場形勢傑志完全佔,咁踢落去即使唔大炒,都無機會贏,而且一失波就玩完! 果然去到27分鐘傑志就有收穫,右邊發動攻勢下,輾轉去咗左邊尾枉空晒嘅明加索夫,佢亦無甩拖輕鬆射入成0:1! 之後嘅戰程發展開始有啲悶,傑志3分為目標贏波為主,贏幾多又唔係太大問題!而深水埗又造唔到上去,鄧加同蘇沙都艱辛作戰,中場亦有心無力!雖然半場落後一球唔算太差,不過如果戰況持續,下半場只有失更多波而難有翻盤機會。 . 發表於 2024-3-29 00:13
廢話︰去年11月深圳殺科戰對國安,賽後我都講,如果無「場外」嘅意外,今年係唔會有中超主場比賽喺深圳比賽!不過正如我所講,中超有「意外」基本上都係常態,只不過睇你開邊瓣!舊年十二月確定中甲冠軍四川九牛可以升上中超之後,開始慢慢有「風」吹出,九牛可能搬去深圳,不過當初消息只係講四川省足協並唔同意,而且態度都好強硬,更傳出九牛幕後管理人城市足球集團更加拋出唔搬遷就解散,最後意外地真係成功搬遷,結果係今季深圳市仍有中超比賽上演!
既然人哋咁有誠意,中佬作為球迷又點可以唔捧吓場呢? 門票︰今次呢一張門票,可以講得上係中佬數十年睇波生涯以來,最騎呢嘅一次! 首先係當日食完午餐之後,我就由壹方城過去寶體會合深水埗球迷群組嘅波友,由於當時大概只係1630,所以時間尚早,如果以一般慣例,票房應該係比賽前個半至兩時間之前開工。 而中佬行過東門之時,見到有一個yellow cow阿姐,但佢手上只有360蚊價位嘅飛,雖然佢話收我260一張,不過我都係覺得太貴,忍下手買120蚊價位就算! 會合朋友之後我哋都係過對面Walmart行吓,之後又返過去東門嗰一邊,現場只係得球迷會有開咗檔,問一問一位球迷會的大哥,佢話今日唔會有正式嘅售票處,相睇都係要喺app上買飛!當然可以搵黃牛,不過佢話即使係買黃牛飛,都要用個app去「綁定」!吓!乜東東?點綁定?中佬開始意識到,今日有機會上來睇唔成波,去「桂滿X」食餐好仲實際。 同一時間雨勢又變大,於是中佬同波友就走過對面KFC食個餐先,之後過咗1800之後,我哋又返到東門嗰一邊,依家雨細咗,yellow cow亦都開始活躍返,有一位阿姐手上有幾張120位置嘅飛,一舊水賣俾中佬,我都OK,不過原來唔係好似以前咁攞住張飛入場,而係要先掃張「邀請函」上QR Code,之後去「球星球」個app登記個人資料,完成咗後就攞住身份証入場! 結果中佬一do個QR Code,球星球個app就話已經過咗1700,無法綁定!唔好講中佬同波友,連黃牛阿姐都O咗咀,攪乜春呀!中佬心中當然係滿腦子粗口喇!無奈地阿姐收返啲飛,中佬同波友又再企喺度,走又唔係等又唔係,成世人睇無數波,未試過咁X麻煩! 等咗一陣又有黃牛阿叔大叫︰一陣1900開返系統可以再綁定!意思即係大家唔好走,等多廿分鐘就可以!由於今日場波係開2000,如果1900真係可以順利綁定,仲有大把時間。不過中佬不嬲「黑仔」,到咗1850左右,現場啲人已經話個系統開返,阿姐亦都搵返我哋兩個,再次嘗試綁定張飛,今次終於到咗輸入個人資料面頁,輸入完個人資料之後,app又話要提供國內電話號去收sms 驗證碼,入852XXXXXXXX呢?唔得,格式唔正確!去到呢度,如果中佬唔係有波友一齊,已經走咗! 發表於 2024-3-16 16:33
前言/廢話︰由於香港隊參加亞洲杯決賽周,所以期間港超要「讓路」,雖然其間都有安排一啲菁英杯比賽,不過老老實實菁英杯可觀性唔高,中佬都無入場!之後原本係安排深水埗喺2月4日主場對大埔,但唔知足總邊位天才又安排同日喺大球場港聯對邁亞密國際,最後先發現各隊都有球員抽調去代表港聯,於是又臨急臨忙成個星期嘅比賽都取消晒!之後又到農曆年,攪攪吓深水埗成個二月一場正式比賽都無!
其實深水埗近排都有啲動作,前流浪守門員梁興傑加盟,本地兵蘇沙回歸港超,基奧加入做助教兼球員,另有日藉球員小田倉康太加入,而奧力斯就重返流浪。 如果睇幾位新球員嘅CV,算係經驗相當豐富,希望佢哋加入除咗本身有表現之外,亦都可以提升隊中年青球員。 至於休息個多月之後,今場返去主場對流浪,希望會有唔錯嘅表現,今季曾經在聯賽輸過9:0俾流浪,但之後銀牌亦曾喺落後三粒之下追平到加時先出局。所以今場希望有更進一步,龍年有一個新氣象! . 門票︰正價80蚊,中佬本身係「成人通行證」季票會員,主場港超比賽已包在內。 . 上半場︰開波前公佈陣容,深水埗新加入球員中,梁興傑同小田倉康太正選上陣,蘇沙同基奧暫列後備,不過有啲奇怪係馬高域兄弟連後備都無! 一開波雙方都係「賊佬試沙煲」,但唔估到嘅係休戰有一個月嘅深水埗居然喺6分鐘之時,就靠一次反擊,尼古拉斯殺入禁區攞遠柱尾袋入網,咁早入波真係有意外驚喜!不過依家只係開波6分鐘,時間尚早!同埋第一循環輸過俾流浪9球,領先一球唔算得係咩! 之後時間流浪又無特別大幅壓上,應該都係時間尚早,唔駛太急,尤其係流浪近一個月陣容方面都有唔少變動。點知兩方拉據一段時間後,深水埗又再次搵到機,尼高拉斯帶球殺入禁區,今次就起腳射網頂,就係咁去到21分鐘時深水埗領先到2:0。 上半場一半都未夠,深水埗就已經領先兩球,的確係有啲令人意外!當然,流浪又唔會放棄比賽,落後兩球之下,佢哋都唔再嘆慢版,開始谷上去壓住深水埗。流浪今日將前鋒殺手伊巴謙放喺右翼位,對住深水埗嘅波比,而另一主將神田夢實就偏向左路。流浪加大壓力之後,都創造出唔少攻勢,而今日例戈嘅門將梁興傑雖然是第一次代表深水埗上陣,但每一次出迎接波或者封位都俾到人信心。 發表於 2024-3-9 19:49
發表於 2024-1-16 19:05
|
重要聲明:本討論區是以即時上載留言的方式運作,香港討論區對所有留言的真實性、完整性及立場等,不負任何法律責任。 而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。 於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。 香港討論區有權刪除任何留言及拒絕任何人士上載留言(刪除前或不會作事先警告及通知),同時亦有不刪除留言的權利,如有任何爭議,管理員擁有最終的詮釋權。 用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。