大家好!
7/11/2021晚上本人於尖沙咀港威酒店與朋友食自助餐慶祝生日。朋友準備了驚喜, 事先在同一酒店已預留了房間予本人餐後休息。
由於本人浸浴後很口渴, 太太就將原先酒店放在浴室的兩支免費酒店提供的水給我飲用。我打開其中一支, 並飲用了一大口, 吞落肚才發現剛飲用的「液體」有一股強烈刺鼻苦澀的味道, 質感帶黏性。
我望一望樽身label, 印的是「Mineral Water with Compliment」我搖了一下, 樽內產生咗大量泡沫,。由於我當時口腔發熱, 反胃, 我第一時間衝入浴室嘔吐。太太被嚇呆, 問在另一房間的朋友是否他們樽裝的都是水, 朋友回答是水, 冇異味, 一切正常。
大概 00:55, 朋友立即 call 酒店有關事情, 夜間當值經理到達本人房間並了解事情經過。經理聞了一下我飲用的液體,即時說:「呢d唔係水嚟! 味道好似清潔劑!」由於我不停在浴室嘔吐, 經理就叫人拿上來一箱水給我。期間亦有清潔人員清理星盤。
由於持續感到不適, 最後酒店 call 了白車, 大概 1:30am, 有救護員到達房間, 將本人送往QE 。
大概 2:27am, 到達急症室分流處, 護士了解情況, 亦聞了一下我飲用嘅液體, 表示好明顯並非水來的, 於是即時送到醫生診治。醫生亦聞了一下, 說：「先生, 呢d唔係水嚟嘅!」之後即時做X-ray, 驗血同打吊滴。期間, 太太前去醫院裡面的警崗求助, 警員回應佢哋處理唔到, 建議找食環處跟進。
大概 4:45am, 醫生睇咗報告話冇即時危險, 但提醒出院後如有不適要立即睇醫生求助。之後, 我同太太再次去警崗向剛才的警員講述經過及要求協助, 警員表示應找食環處跟進。我再三要求下, 警員影印咗我身份證, 並簡略記錄低事情的經過, 話會匯報警處。表示隨後會通知我們報案編號.
大概 5:11am, 我哋終於返回酒店房間。
待我醒來，我們主動聯絡酒店，見他們的當值經理，他們清楚一齊事件，抽了一些樣板，說會做內部調查再給我們報告。
可惜暫時還未有任何結果。
現在香港人經常 staycation，擔心其他酒店也有類似情況，希望大家小心謹慎。
