網絡癌細胞, 背後都係藉住西方嘅所謂 "自由" 平台餵養, 其擴散程度已經係無遠忽屆, 當中最具代表性嘅有:
- 國際特赦組織
- 無國界記者呢啲組織, 表面都好似係要去彰顯咩公義, 守護咩被欺壓嘅, 但呢刻每一個真正醒覺嘅都知道, 佢哋骨子裡背後都只係屬西方嘅代理人, 夥同一班同樣係滲透得無孔不入嘅傳媒, 每到特定時候, 就會配合去搞活動, 出文宣, 終極目的只有一個, 就係幫西方去推翻計劃要推倒嘅政權.
每個國家嘅國安法, 都只能防止並打擊實質恐怖活動, 但對於互聯網裡面嘅活動, 就暫時只有民主邪教大國阿美利堅共和國做得比較全面, 因為人哋有 "愛國者法", 你冇睇錯, 佢哋唔單只有國安法, 愛國者法就可以連網絡裡面嘅言論都可以用黎去郁你嘅證據.
但有趣嘅係, 國際特赦組織, 無國界記者呢類小丑, 就自動收嗲, 連提都唔敢提呢條真正嘅惡法究竟有幾犀利. 呢類小丑代理人, 關注嘅就只係除咗民主邪教大國以外嘅所有地區, 就算有講, 都只係 "政治正確" 係咁意講一次就拍下籮友 : 拿, 我有關注美國嘅人權狀況架, OK?
除咗呢類代理人, 網絡上另一類癌細胞, 就係潛伏響各大討論區內嘅版主, 呢班人, 毫無監管, 無上權威, 要封你咀, 滅你聲, 更加係無法無天, 只要喜歡就做, 堪稱比第四權更勁嘅第五權, 因為呢班人, 正正就係操控住咩係可以被睇見, 咩係永遠唔會被睇見, 只要一個唔鐘意, 就可以將會員永久監禁, 真正嘅打壓言論自由, 極權獨裁, 我話係呢班版主先係實至名歸.
國際特赦組織會唔會去關注呢? 當然冇興趣; 無國界記者會唔會去採訪下? 等下世嘅下世都咪使旨意.
若然極端嘅權力可以導致極端嘅腐化, 討論區嘅一啲版主, 就正正係當中嘅完美模範.
