[按此打開]
[隱藏]
政治上有招溫水煮青蛙
慢慢黎自然水到渠成
突然宣布廢一國兩制,變回一國一制
係浩大工程
光係法律層面有排做,廢基本法
香港沿用英國法律要廢除,回歸大陸法律
要改幾多野,整個司法制度要大翻轉
冇十年八年甚至更長時間開始部署,根本搞唔惦
澳門回歸後,葡國佬走晒,好多野過渡唔切
中國仲要拜託葡國佬返黎幫手,尤其係司法制度
有咁簡單?派京官同大陸法官黎就可以接收?
樓主可能認為簡單不過
舉個簡單例子
台灣民進黨咪成日要獨
早前就提到中華航空想要正名咁簡單
以免國際誤會China Airline 係指中國航空
想要改成Taiwan Airline
實務上,牽涉好多法律問題到經濟損失
改名後所有航權要重新談判
以及同其他有合約關係工作伴夥,全部法律文件要更改
問題係人地肯唔肯同你改?
民進黨執政當然知道有幾麻煩,一下就滅聲,冇人再講改名或正名
香港回歸一國,幾多同香港做生意,沿用現行體制法律全換大陸法律
商事法完全唔同,你估話咁簡單
回歸一國一制,google,facebook...通通吾用得
基於法律架構唔同,香港係中國保留一個地方作為對外窗口
目前仲有好大價值
中國而家做法至係真正回到五十年不變,殖民時代制度
收緊政治制度,回到港督治港時架構,其他一切仍然自由
即係話香港人努力搵銀賺錢,唔好搞政治對抗,中央係唔會理你