香港核心價值係殺人放火金腰帶, 笑貧不笑娼, 炒賣金融至上, 低俗文化橫流, 咁多中學生大學生上街做暴徒, 咁叫悲劇? 那對他們來說叫第一桶金! 當社會有一部份既得利益者只知道罵年青人廢青時, 但又只知冷嘲熱諷, 表示自己中學畢業已經搵得多過大學生好多好多時, 卻沒有帶個希望俾年青人, 而犯罪成本又低到一個點時(一世人守法都搵唔到參與暴動搵到嘅錢, 甚至守法嘅結果係買唔到樓, 一世都俾人笑係垃圾嘅時候, 而社會整體氣氛無家國觀念時, 有錢連犯法都可以無事時, 例子就好似某位前上市公司主席劉xx, 澳門犯咗貪污罪, 逃到香港享福做人上人等等), 咁一個普通年青人(就係唔會無端端愛國, 因為學校無教, 社會氛圍又唔愛國)為左改變自己嘅人生, 會暴動犯法就非常合理喇!
社會要回歸正常, 首先要清走一班阻住香港發展嘅害人精, 大力推動新產業發展, 年青人邊個創造到新嘅價值就推佢做青年委員會主席, 由佢或佢一樣可以俾到希望年青人有美好未來嘅人帶領新一代人一齊致富, 調走社會福利局同埋教育局局長, 俾更有擔當嘅人做, 發展除咗地產同埋金融之外嘅第三產業! 係香港, 唔缺自私自利嘅精英, 缺嘅係真正為香港謀發展謀未來嘅領袖!