|
|
#1
發表於 2018-8-29 16:18
https://www.facebook.com/tien.michael/photos/pb.111473780907.-2207520000.1535530495./10156688487600908/?type=3&theater
【#高鐵爆內幕｜港鐵政府大談判！ 政府識精明計數益港人】
高鐵就快通車，政府已經同港鐵公司傾掂營運協議。但究竟成個協議係點樣傾出黎呢？阿田即刻帶大家去睇下！（以下內容含嚴重劇透，請自行斟酌閱讀！）
_____
▍先整合一下重點流程：
(1) 港鐵公司答應政府用「*自負盈虧方式」營運高鐵
(2) 政府定出每年港鐵公司要比政府2.7億「*服務經營費」 (租金)
(3) 港鐵答應承擔「*資產更換」成本，
(4) 政府再訂出「*保障」，設立15%上下限，就票務收入差距作出補貼或抽取盈利。及設立下調預計乘客量由10萬至8萬
(5) 雙方定立10年營運協議
可能大家見到好多新嘅字眼未必知道係咩黎，等我開始之前解解畫！
▍阿田解解畫：
「自負盈虧」是指高鐵票務收入比晒港鐵公司，但佢地自己都要包晒所有成本支出，包括維修費用及資產更換。
「服務經營費」是指每年港鐵公司承包高鐵項目需要向政府交嘅費用，就好似比租金咁。
「資產更換」是指更換列車、信號系統等成本。
「保障」是指當實際乘客量比起預期少過15%，或多過15%，政府就會與港鐵以7:3 比例分擔乘客量差別所帶來的票務收入的成本/盈利差別。
_____
【高鐵談判絕密公開！】
知道你地都等左好耐想食花生，依家即刻還原番個談判比你知！(跟據真人真事，高度還原。如有雷同，你懂的。)
▍就係過去呢一年……
港鐵：其實要我地營運高鐵無問題，但係我地唔想負擔太大風險，用「實報實銷」形式幫你營運得唔得？我地每年收10%服務費。
政府：咁你咪好易「做又36，唔做又36」？咁樣唔得，一定要「自負盈虧」啊！咁先可以有動力「吸客」，例如你可以提供轉乘優惠比市民搭去西九龍站。「實報實銷」好有問題啊。
你用「自負盈虧」方式，高鐵賣票收入歸你，我地計過每年都有32億啊。
之後你每年就比10.7億高鐵「服務經營費」比我。有無得諗？
港鐵：32億收入。減走我地計算過包括維修的基本成本18億，連埋10.7億「服務經營費」，咁都仲有3-4 億賺。好啊！不過講明啊，我地唔包「資產更換」嘅成本！
政府：咁又唔得喎！你唔包「資產更換」，唔做好維修，又唔錫住列車同信號系統用，到時要換新列車嘅話我咪蝕大本？咁好大問題啊！如果你要包埋「資產更換」要幾多錢？
港鐵：我地之前計過，開頭十幾年，每年大概要8億。
政府：咁我唔收足你每年10.7億「服務經營費」，收2.7億喇。作為包埋「資產更換」嘅條件。
港鐵：都可以。不過我地現時難以估計高鐵乘客量。如果少太多，我會蝕大本喎。我地需要一個上下限機制。如果太少人搭你就要補錢畀我 。
政府：咁我設個上下限15% 。 如果真係太少人搭 (比預期少15%乘客)，我就補貼7成票務收入差距。 但係如果多過15% 嘅乘客 ，咁你就要分返7成盈利畀我。 呢啲事係雙向嘅 ，冇理由要我單方面付出，啱唔啱？
港鐵：同意。
政府：我地呢邊想調低每日高鐵預計乘客量，由十一萬人調整到八萬人。
港鐵：我地唔同意調低基數。本來每日十萬人次乘客量嘅話，下限15%，即係85000人， 你就要補貼畀我。 依家無啦啦調低到八萬人次， 咁咪即係六萬幾人次先有得補貼？另外，調低左後如果多左人搭我咪經常分番7成盈利比你？
政府：我地希望減少需要補貼嘅機會，咁樣社會接受程度會更加大。你要點先肯接受上下限比例同埋調低預計乘客量？
港鐵：咁我地希望只簽署10年營運協議，好讓我地10年後再審視「資產更換成本」同實際乘客量，再作談判。
政府：咁好啊，一於咁話。
_____
▍阿田讀後感：
總結黎講，阿田認為對政府黎講係筍DEAL，差唔多封住政府嘅「蝕本門」。
但阿田好奇怪點解港鐵會接受，現時港鐵每年都要負擔28.7億開支 (18億營運成本+8億資產更換費+2.7億服務經營費)。就算有補貼機制，佢自己都要承受3成蝕本風險。作為一間上市公司，點解佢咁都肯簽呢？
▍不過對政府同市民就有以下好處：
(1) 「自負盈虧」一定比「實報實銷」好，有助推動港鐵公司搶客，提升效率，另外包埋「資產更換」，減低政府成本風險。
(2) 調低高鐵預計乘客量，配合風險盈利分攤機制，更少機會補貼，更多機會分紅利，政府抵讚。
(3) 簽10年其實對雙方都有益。如果第時高鐵乘客量提升左，政府有更大話語權去提升「服務經營費」，收更多租。
你地又覺得呢個協議值幾多分？歡迎係下面留言比我知！
|
|
|
|
二星級會員
- 帖子
- 351
- 積分
- 355
- 註冊
- 2008-8-29
|
#2
發表於 2018-8-29 17:00
係咪真係咁荀先???
|
|
|
|
VIP
- 帖子
- 10124
- 積分
- 9448
- 註冊
- 2014-8-19
|
#3
發表於 2018-8-29 17:09
|
|
|
|
|
|
#4
發表於 2018-8-29 19:35
|
|
|
|
|
|
|
凍結帳戶
- 帖子
- 514
- 積分
- 492
- 註冊
- 2018-3-4
|
#5
發表於 2018-9-9 18:38
[按此打開]
[隱藏]
提示: 作者被禁止或刪除 內容自動屏蔽
|
|
|
|
[按此打開 Google 相符內容]
[按此隱藏 Google 建議的相符內容]
|
|
