純分析戰略意義,一旦三戰開打的話,戰略上港澳台點先最有用。
中國現況係為咗完全統一,想全盤控制港澳台。
但一旦三戰開打,港澳台必定被視為中國一邊。
反而,港澳台有真自治,名義上一國,駐守解放軍只防不攻,甚至冇解放軍,只有本土自衛隊。
咁港澳台就可以名義上中立,保持國際情報交流中心,走私人蛇水貨中心,戰爭中非常有用。
情報中心
回歸而被中共控制嘅港澳台只會被視為中國一部分,一同被敵對國杯葛。
反之,香港偏向親英,澳門偏向親葡,台灣親日,加上三地一向都多外國公司,一早已經係間諜情報中心,三戰開打唔可以冇咗呢幾個重要中立地。
走私中心
三地一向同中國貿易頻繁,一旦同敵方貿易封鎖,台港澳自然成為中國最主要軍事原料入口地點。當然,點都要畀台港澳官方捉少少細野畀外國睇,中立地區已盡力阻止軍火走私,但水貨糧草、原料、藥物,自然就輰通無阻。
自衛隊
建立港澳台各地自衛隊,軍力自生自滅,對外示台港澳不屬中國軍區,三戰時打港澳台中立地區,國際上有臭名。
而且一旦台港澳攪真獨立,自衛隊造反,名正言順武力平亂,外國可以指責嘅位唔多。
中國只要放棄全權接管,只保留貿易相通,軍政情報相通,獨派又開心,打起仗上黎又少啲顧忌。